इंडिया दर्पण ऑनलाईन डेस्क – लग्न झालेल्या आपल्या प्रेयसीला पळवून नेतानाचे अनेक प्रसंग आपण हिंदी सिनेमात बघितले आहे. सिनेमातली प्रेयसी आपल्या प्रियकरासोबत पळून जाताना कुटुंबासोबत जी बगावत करते, तीच बघण्यात आपल्याला पूर्वी मजा यायची. असाच एक प्रसंग अलीकडेच बिहारमध्ये घडला आहे. लग्न झाल्यानंतरही जुनं प्रेम विसरू न शकल्यामुळे विवाहिता आपल्या प्रियकरासोबत पळून गेली आणि त्यानंतर घडलेला प्रकार अत्यंत गंमतीदार होता.
बिहारमधील बेतिया जिल्ह्यातील बलथर या छोट्याशा गावातील ही घटना आहे. एक महिला लग्न झाल्यानंतरही आपल्या प्रियकरासोबत पळून गेली आणि तिने एका मंदिरात प्रियकरासोबत लग्न केलं. त्या लग्नाचा व्हिडियो तिने स्वतःच सोशल मिडियावर व्हायरल केला. या प्रकरणात महिलेच्या सासऱ्यांनी दोघांविरुद्धही पोलिसांत तक्रार दिली. २७ डिसेंबरला आमची सून घराच्या बाहेर गेली होती. तेथूनच तिचा प्रियकर आणि त्याच्या नातेवाईकांनी महिलेचे अपहरण केले.
पोलिसांनी गुन्हा नोंदवून तपास सुरू केला आहे. मुख्य म्हणजे महिलेने व्हिडियोमध्ये स्पष्ट सांगितले आहे की आपण आपल्या इच्छेनुसार आलो आहोत. तसेच प्रियकर व त्याच्या कुटुंबियांविरुद्ध चुकीचा गुन्हा नोंदविण्यात आले आहे. विशेष म्हणजे काहीही झाले तरी महिलेचा शोध घेऊन तिला न्यायालयात हजर करणे, याचे मोठे आव्हान पोलिसांपुढे आहे.
पिंटू माझं पहिलं प्रेम
माझं लग्नाआधीपासून पिंटूवर प्रेम होतं. पण माझ्या आई-वडिलांनी माझ्य्या इच्छेविरुद्ध लग्न लावून दिलं. सासरी माझा छळ होऊ लागला. त्यामुळे मी माझा मार्ग निवडला, असे महिलेने व्हिडियोमध्ये म्हटले आहे.
सासू शिविगाळ करायची
लग्नानंतर सासूने केलेला छळ सहन होत नव्हता. अश्यावेळी आधार म्हणून मी माझ्या प्रियकराशी म्हणजे पिंटूसोबत बोलायची. बरेचदा आम्ही फोनवर बोलायचो. माझी सासू मला खूप शिविगाळ करायची. ते मला सहन झालं नाही, असंही ती व्हिडियोमध्ये म्हणाली आहे.
Married Women fly away with Boy Friend
