जळगाव (इंडिया दर्पण वृत्तसेवा) – आपला देश हा शेती प्रधान देश म्हणून ओळखला जातो. मात्र शेतकरी तरुणांना सद्यस्थितीत लग्नासाठी वधू मिळेनाशी झाली आहे. याच माध्यमातून अनेकदा विवाहच्छुक तरुणांनी आंदोलन देखील केली आहे. या पार्श्वभूमीवर या सामाजिक समस्यकडे लक्ष वेधण्यासाठी जळगाव जिल्ह्यातील एका तरुणाने डोक्यावर टोपी, पांढरे कपडे परिधान करून डोक्याला मुंडावळ्यादेखील बांधल्या. या आंदोलनाचा व्हिडीओसुद्धा सोशल मीडियावर चांगलाच व्हायरल झाला. त्यामुळे या आंदोलनाची संपूर्ण राज्यात चर्चा रंगली आहे.
शेतकरी मुलांनी तरी कुठे जावे, सामाजिक प्रश्न निर्माण शेतकरी मुलांना स्थळे मिळत नाहीत. शेतकऱ्यांच्या मुली देखील शेती करणाऱ्यांना प्राधान्य दिले जात नाही. नोकरदार मुलगा असला तरी क्लास वन, क्लास टू शासकीय अधिकारी असलेल्या मुलांना प्राधान्य देतात. मुलांना आई वडील असतील तर मुले मुंबई, पुणे, औरंगाबाद असावेत, अशी अपेक्षा असते. शेतकरी हा खरे तर देशाच्या अर्थव्यवस्थेचा कणा आहे. मात्र शेतकरी मुलांना मुली मिळत नाहीत हे तितकेच खरे आहे. अनेकदा मुली लग्नास तयार असतात, मात्र शेतीत काम करणारा नको, असे सांगतात. असेच सुरू राहिले तर शेतकरी मुलांनी कुठे जावे, हा सामाजिक प्रश्न आहे.
सध्या मुलींना मुलाकडे शेती हवी असली तरी त्या स्वत: शेतात जाण्यासाठी तयार नसल्याचे आजचे चित्र आहे. यामुळे जळगाव जिल्ह्यातील तरुण शेतकऱ्याने अनोखे आंदोलन केले आहे.’आपण मेहनती व सधन बागाईतदार असून आपल्याला बागायतदारीणच म्हणजे शेतात काम करणारी बायको हवी!’ असे जाहीर करून त्याने सामाजिक प्रश्नाला वाचा फोडली आहे .
पाचोरा तालुक्यातील नाचणखेडा गावच्या पंकज राजेंद्र महाले नामक या तरूणाने आपल्या अनोख्या आंदोलनातून उत्तर दिले आहे. बीएस्सी अॅग्रीकल्चरचे उच्च शिक्षण घेतले आहे. त्याची गावात दहा एकर बागायत अर्थात पाण्याची मुबलकता असलेली जमीन आहे. सध्या नोकरी नसल्याने तो बेरोजगार असून, घरच्या शेतीची मशागत करतो. मात्र केवळ शेतकरी असल्याने लग्नासाठी मुलगी मिळत नाही. यामुळेहीच समस्या अनेक तरुण शेतकऱ्यांचीदेखील आहे. शेतकरी आहे, ग्रामीण भागात राहत असल्याने मुली मिळत नाही.
Jalgaon Youth Agitation Wedding Serious Issue
