भोपाळ (मध्य प्रदेश) – भोपाळ नजीक असलेले हबीबगंज स्टेशन रेल्वे स्टेशन हे अत्यंत महत्त्वाचे मानले जाते. मात्र आता देशातील पहिले जागतिक दर्जाचे रेल्वे स्थानक हबीबगंज हे आता राणी कमलापती म्हणून ओळखले जाणार आहे. याबाबत मध्य प्रदेश सरकारची अधिसूचना जारी होताच स्टेशनचे नाव बदलण्यात आले आहे. हबीबगंज स्थानकाचे नाव बदलून राणी कमलापती असे केल्यानंतर आता रेल्वेनेही नवीन कोड जारी केला आहे.
पश्चिम-मध्य रेल्वेने एक आदेश जारी करून नवीन अल्फा कोड RKMP दिला आहे. आतापर्यंत हबीबगंजची संहिता HBJ होती. सध्या हे नाव फक्त हबीबगंज स्थानकाच्या फलाट क्रमांक 1 च्या बाह्य आणि फलाट क्रमांक एकवर बदलण्यात आले आहे. इतर प्लॅटफॉर्म आणि दुसरी एंट्री आत्तापर्यंत कोणताही बदल नाही. राणी कमलापती रेल्वे स्थानकाच्या बाहेरही बॅनर लावण्यात आले आहेत. तसेच हबीबगंज हे नाव कापडाने झाकण्यात आले आहे.
मध्य प्रदेशचे मुख्यमंत्री शिवराज सिंह चौहान यांनी मायक्रोब्लॉगिंगवर पोस्ट केले की, हा अभिमानाचा, आनंदाचा आणि उत्साहाचा क्षण आहे. पंतप्रधान नरेंद्र मोदी यांनी जागतिक दर्जाच्या सुविधांनी युक्त रेल्वे स्टेशन तयार केले आहे आणि आता त्याचे नाव बदलून हबीबगंज ऐवजी गोंड घराण्याची शेवटची हिंदू राणी म्हणजेच राणी कमलापतीजी यांच्या नावाने करण्यात आले याबद्दल आम्ही सर्व पंतप्रधानांचे मनापासून आभार मानतो.
कोण आहे राणी कमलापती ? :
आपण इतिहास पाहिला तर राणी कमलापती ही भोपाळची शेवटची गोंड आदिवासी आणि हिंदू राणी होती. आपल्या राज्यातील जनतेला वाचवण्यासाठी त्यांनी जलसमाधी घेतली होती. भोपाळमधील आर्च ब्रिज आणि कमला पार्क यांना त्यांचे नाव देण्यात आले आहे.
राज्य वाचविण्यासाठी
साल्कनपूर संस्थानातील बारी किल्ल्यातील जमीनदाराचा मुलगा चैन सिंग याला लग्नानंतरही राजकुमारी कमलापतीशी लग्न करायचे होते. त्यामुळे त्याने कमलापतीच्या पतीला ठार मारले. त्याचा बदला घेण्यासाठी राणीने अफगाणांची मदत घेतली. राणी कमलापतीने दोस्त मोहम्मदला एक लाख शिक्के देऊन चैन सिंगवर हल्ला करण्यास सांगितले होते, अशी प्रचलित धारणा आहे. त्यानंतर आपले राज्य वाचविण्यासाठी 1723 मध्ये राणी कमलापतीने आपले जीवन संपवले.