इंडिया दर्पण – विचार पुष्प – यामुळे तुमचे मन ढवळून जाते
तुमच्या आवडीनिवडी व काळज्या, तुमचे कष्ट व ओढाताण यामुळे तुमचे मन ढवळून जाते. त्यामुळे परमेश्वराची इच्छा त्यामध्ये प्रतिबिंबित होऊ शकत नाही. उद्यानातील ती चिमुकली फुले पहा, सूर्याच्या कोवळ्या उन्हात डोलत आहेत. अगदी असहायपणे ती आपल्या पाकळ्या उघडून सूर्यकिरणांना आंत बोलावतात. तसेच तुमचे अंतःकरण परमेश्वराकडून येणाऱ्या सर्व गोष्टींच्या स्वागतार्थ उमलून पुढे आले पाहिजे. गाडीच्या चाकाने पडलेल्या दोन घळींच्या मधल्या धोक्याच्या जागेवर एक सुंदर फूल असलेले रोपटे डोलतांना मी पाहिले. घोड्याची पावले अथवा गाडीचे चाक जरा इकडे तिकडे सरकणे म्हणजे प्राणावरचेच संकट! असेंअसूनही भूत-भविष्याचा विचार सोडून, देवावर सर्व भार टाकून ते फूल प्रसन्न होते. त्याच्याप्रमाणेच वर्तमानांत डोलणे देवाला आवडेल; नाही का!
Vichar Pushpa Yamule tumache Man Dhavalun jate
