संगमनेर (इंडिया दर्पण वृत्तसेवा) – केवळ सातबारा उतारा देण्यासाठी तब्बल ४० हजारांची लाच मागणारा तलाठी लाचलुचपत प्रतिबंधक विभागाच्या (एसीबी) जाळ्यात अडकला आहे. धनराज नरसिंग राठोड (वय ४० वर्षे) असे या लाचखोर तलाठ्याचे नाव आहे. राठोड हा तालुक्यातील चिखली येथे तलाठी आहे. याचप्रकरणात खासगी एजंटही सहभागी होता. योगेश विठ्ठल काशीद (वय ३३ वर्ष, व्यवसाय- टायपिंग सह्याद्री मल्टी सर्विसेस, रा. घुलेवाडी फाटा, ता. संगमनेर) असे लाचखोर खासगी एजंटचे नाव आहे.
एसीबीने दिलेल्या माहितीनुसार, एका व्यक्तीला त्यांचा मंगळापूर येथील बिगर शेती क्षेत्राचा स्वतंत्र सातबारा उतारा हवा होता. तसेच, त्यावर वडील व इतर ११ जणांची नावे असलेला हा उतारा आवश्यक होता. त्यासाठी त्याने लाचखोर तलाठी राठोडला सांगितले. या मोबदल्यात ४० हजाराची मागणी राठोडने केली. तडजोडी अंती ३६ हजार रुपये स्वीकारण्याचे मान्य केले. त्यानंतर याप्रकरणी एसीबीकडे तक्रार आली. एसीबीने सापळा रचला. लाचखोर तलाठी राठोडच्या सांगण्यावरुन लाचखोर खासगी एजंटने लाच स्वीकारली. याप्रकरणी लाचखोर राठोड आणि काशीद यांच्यावर गुन्हा दाखल करण्याचे काम सुरू आहे.
सापळा अधिकारी
श्रीमती गायत्री म. जाधव , पोलीस निरीक्षक, लाचलुचपत प्रतिबंधक विभाग, नाशिक मो.न. 7588516042
सापळा पथक
पो. हवा. सचिन गोसावी. पो. ना. अजय गरुड . चा.पो.हवा.विनोद पवार .
**मार्गदर्शक*
**मा.श्रीमती शर्मिष्ठा घारगे-वालावलकर* पोलीस अधीक्षक, ला.प्र.वि, नाशिक परीक्षेत्र,नाशिक मो.न. 9371957391
*मा. श्री.नारायण न्याहाळदे* अप्पर पोलीस अधीक्षक, ला.प्र.वि, नाशिक परीक्षेत्र, नाशिक. मो.न. 9823291148
**मा.श्री. नरेंद्र पवार* वाचक, पोलीस उपअधीक्षक, पोलीस अधीक्षक कार्यालय ,ला.प्र.वि. नाशिक. मो.न. 9822627288.
*सर्व नागरीकांना आवाहन करण्यात येते की,त्यांच्याकडे कोणत्याही शासकीय अधिकारी/कर्मचारी यांनी किंवा त्यांच्या वतीने खाजगी इसमाने त्यांचे कोणतेही शासकीय काम करून देण्यासाठी अथवा करून दिल्याचे मोबदल्यात लाचेची मागणी केल्यास तात्काळ लाचलुचपत प्रतिबंधक विभाग,नाशिक येथे संपर्क करावा.
दूरध्वनी क्रमांक- 02532578230, किंवा 02532575628
*टोल फ्री क्रमांक १०६४ .*
Sangamner ACB Trap Bribe Corruption Crime
