नाशिक (इंडिया दर्पण वृत्तसेवा) – गर्दीची संधी साधत एस.टी.मध्ये चढणा-या प्रवासी महिलेचा विनयभंग केल्या प्रकरणी जिल्हा व सत्र न्यायालयाने चांदवड येथील आरोपीस एक वर्ष सश्रम कारावास आणि दहा हजार रूपयांचा दंड ठोठावला. ही घटना ठक्कर बाजार बस स्थानक आवारात घडली होती.या प्रकरणी सरकार वाडा पोलीस ठाण्यात गुन्हा दाखल करण्यात आला होता.
ईशाद राजमोहम्मद मनियार (३२ रा.जुने कोर्ट गल्ली चांदवड जि.नाशिक असे आरोपीचे नाव आहे. पिडीत महिला ३ ऑगस्ट २०१९ रोजी सकाळी बाहेर गावी जाण्यासाठी ठक्कर बाजार बस स्थानक येथे गेली असता ही घटना घडली होती. बस मध्ये चढत असताना गर्दीत आरोपीने धक्का देऊन महिलेचा विनयभंग केला होता. याबाबत सरकार वाडा पोलीस ठाण्यात विनयभंगाचा गुन्हादाखल करण्यात आला होता. या गुन्ह्चा तपास तत्कालीन उपनिरीक्षक अशोक पाथरे यानी करून न्यायालयात दोषारोपपत्र सादर केले होते.
मुख्य न्याय दंडाधिकारी समोर बावकर याच्या समोर हा खटला चालला. सरकार तर्फे अॅड सलीम तडवी यानी काम पाहिले. फिर्यादी,पंच, साक्षीदार याची साक्ष आणि सरकार पक्षाच्या वतीने सादर करण्यात आलेले पुराव्यास अनुसरून न्यायालयाने आरोपीस दोषी ठरवत त्यास एक वर्ष सश्रम कारावास आणि दहा हजार रूपये दंडाची शिक्षा सुनावली.
Passenger Women Molestation Court Punishment