मुंबई (इंडिया दर्पण वृत्तसेवा) – विविध प्रकारच्या गैरकाराभारांवर सातत्याने पत्रकार परिषद घेणारे आणि गौप्यस्फोटाद्वारे चर्चा घडवून आणणारे भाजप नेते किरीट सोमय्यांचा मुलगा नील सोमय्या याच्या पीएचडीची सध्या राज्यभरात जोरदार चर्चा सुरू आहे. पदवीदान समारंभाचे काही फोटो नील सोमय्यांनी त्यांच्या सोशल अकाउंटवरून शेअर केले आहेत. अवघ्या १४ महिन्यांत पदवी मिळवल्याचा आरोप आता त्यांच्यावर केला जात आहे.
फाईल्स आणि कागदपत्र दाखवून दीड डझन नेत्यांमागे चौकशीचा ससेमीरा लावणाऱ्या किरीट सोमय्या यांच्या मुलाच्या पीएचडीची पदवी वादात आली आहे. सोशल मीडियातील व्हायरल दाव्यानुसार, किरीट सोमय्या यांचा मुलगा नील सोमय्या यांनी अवघ्या १४ महिन्यांत पदवी मिळविली आहे. सोशल मीडियात व्हायरल झालेल्या पदवीनुसार, नील सोमय्या यांनी फक्त १४ महिन्यांत पीएचडी मिळविली. व्हायरल कागदपत्रांमुळे नील सोमय्यानी ऑगस्ट महिन्यात प्रबंध सादर केला. त्यानंतर दीड महिन्यात म्हणजे ऑक्टोबरमध्ये तोंडी परीक्षा घेण्यात आली. विशेष म्हणजे या तोंडी परीक्षेच्या दुसऱ्याचं दिवशी पीएचडी पदवी मुंबई विद्यापीठाकडून प्रदान करण्यात आली. ज्या वेगाने पीएचडी झाली, ज्या वेगाने मुंबई विद्यापीठाकडून पदवी प्रदान करण्यात आली त्या वेगावर नेटकरी प्रश्न उपस्थित करत आहेत. या संदर्भात दोन्ही बाजूने दोन कागदपत्र समोर आली आहेत. पदवीदान समारंभाचे काही फोटो नील सोमय्यांनी त्यांच्या सोशल अकाउंटवरून शेअर केल्यानंतर या प्रकरणाची चर्चा सुरू झाली.
नील सोमय्याचे स्पष्टीकरण
१७ सप्टेंबर २०१६ रोजी नील सोमय्यांनी परीक्षा दिल्याचा दावा आहे. दुसरा कागद नील सोमय्यांच्या पीएचडीच्या पूर्ण कार्यक्रमाचा आहे. यात पीएचडी रजीस्ट्रेशनची तारीख जून २०२१ ची आहे. यासंदर्भात मुंबई विद्यापीठाकडे तक्रारही करण्यात आली आहे. मात्र, सारं काही नियमात केल्याचा दावा केला जात आहे. विरोधकांनीही सोमय्याच्या मुलाच्या पीएचडीच्या वेगावर आश्चर्य व्यक्त केले आहे. १४ महिन्यांचा आरोप खोडून काढत पीएचडीसाठी ७२ महिने लागल्याचे किरीट सोमय्यांनी सांगितले.
Neil Kirit Somaiya PhD Mumbai University 14 Months
Politics Education Critic