नाशिक (इंडिया दर्पण वृत्तसेवा) – तपोवनमध्ये देवदर्शनासाठी मंदिराच्या रांगेत उभ्या असलेल्या परप्रांतीय महिलेच्या गळयातील सुमारे ६० हजार रूपये किमतीची सोनसाखळी चोरट्यांनी लंपास केली. या चोरीप्रकरणी संपतकुमार नरसिंगमुलू कंपा (रा.इंदिरानगर,जि.रंगारेड्डी,कर्नाटक) यांनी तक्रार दिली असून आडगाव पोलिस ठाण्यात चोरीचा गुन्हा दाखल करण्यात आला आहे. कंपा कुटुंबिय देवदर्शनानिमित्त शहरात आले होते. सोमवारी (दि.२६) सायंकाळी कंपा कुटुंबिय तपोवनातील लक्ष्मण नारायण मंदिरात देवदर्शन घेत असतांना ही घटना घडली. संपतकुमार कंपा यांच्या आई गंगाम्मा कंपा या देवदर्शनाच्या रांगेत उभ्या असतांना गर्दीची संधी साधत अज्ञात चोरट्यांनी त्यांच्या गळयातील पॅण्डल असलेली सुमारे ६० हजार रूपये किमतीची सोनसाखळी हातोहात लांबविली. अधिक तपास जमादार टी.के.गायकवाड करीत आहेत.
