नाशिक (इंडिया दर्पण वृत्तसेवा) – दिंडोरी म्हसरूळ मार्गावरील शिवा हॉटेल जवळ भरधाव दुचाकीने दिलेल्या धडकेत ७५ वर्षीय वृध्दाचा म्रुत्यू झाला. दाजमल लकडू कोळी ( रा.श्रीराम नगर इसार पेट्रोल पंपाजवळ दिंडोरी रोड) असे दुचाकीच्या धडकेत ठार झालेल्या व्रुध्दाचे नाव आहे. देवदर्शन आटोपून कोळी मंदिराबाहेर पडले असता ही घटना घडली. कोळी गुरुवारी नेहमी प्रमाणे देवदर्शनासाठी परिसरातील शिवा हॉटेल भागात असलेल्या दत्त मंदिरात गेले होते. देवदर्शन आटोपून ते मंदिराबाहेर पडले असता ही घटना घडली. घराकडे ते पायी निघाले असता काही अंतरावर भरधाव अक्टीव्हास्वाराने (एमएच १५ एचआर २६०१) त्याना जोरदार धडक दिली. हा अपघात चालकाचे आपल्या वाहनावरील नियंत्रण सुटल्याने झाला. या अपघातात कोळी गंभीर जखमी झाले होते. उपचार सुरू असताना त्याचा मृत्यू झाला. याबाबत जावई सखाराम चित्ते यानी दिलेल्या तक्रारीवरून दुचाकीस्वार दर्शन काकड याच्याविरुद्ध अपघाताचा गुन्हा म्हसरूळ पोलीस ठाण्यात दाखल करण्यात आला आहे. अधिक तपास उपनिरीक्षक घडवजे करीत आहेत.