नाशिक (इंडिया दर्पण वृत्तसेवा) – नाशिक – त्र्यंबकेश्वर मार्गावरील पंचवटी इलाईट हॉटेल जवळ जखमी अवस्थेत मिळून आलेल्या ३० वर्षीय अनोळखी तरूणाचा उपचारादरम्यान मृत्यू झाला. सदर तरूण त्र्यंबकरोडवर जखमी अवस्थेत मिळून आला होता. अज्ञात वाहनाच्या धडकेत तो जखमी झाल्याचा अंदाज वर्तविण्यात येत असून, याप्रकरणी गंगापूर पोलिस ठाण्यात मृत्यूची नोंद करण्यात आली आहे. नाशिक – त्र्यंबकेश्वर मार्गावरील पंचवटी इलाईट हॉटेल परिसरात मंगळवारी सकाळच्या सुमारास सदर तरूण जखमी अवस्थेत मिळून आला होता. बिटमार्शल हर्शल चिटे यांनी त्यास तात्काळ जिल्हा रूग्णालयात दाखल केले असता वैद्यकीय सुत्रांनी त्यास तपासूण मृत घोषीत केले. सदर युवकास अज्ञात वाहनाने धडक दिल्याने तो जखमी झाल्याचा अंदाज बांधला जात असून अधिक तपास हवालदार मोरे करीत आहेत.