नाशिक (इंडिया दर्पण वृत्तसेवा) – एकतर्फी प्रेमातून पंचवटीमधील कालिकानगरमध्ये मुलीच्या भावाचा खून केल्याच्या घटनेतील आरोपीला अवघ्या तीन तासात पंचवटी पोलिसांनी अटक केली आहे. या घटनेतील आरोपी किरण रमेश कोकाटे याला अंबड येथून ताब्यात घेण्यात आले आहेत. शनिवारी रात्री ८.१५ वाजता आरोपी किरण कोकाटेने चॅापरचा वापर करुन मुलीचा भाऊ रवी सलीम सय्यद (२०) याचा खून केला होता. कालीकानगर येथून रवी सय्यद पायी जात असतांना रिक्षातून पाठीमागून येऊन हा हल्ला करण्यात आला होता.
या घटनेबाबत समजलेली माहिती अशी की, मध्यतंरी रवी सय्यद याच्या बहिणीला आऱोपीने पळवून नेले होते. या घटनेची तक्रार मुलीचे आई-वडील पंचवटी पोलिसात पोलिस स्थानकात दिली होती. मात्र या तक्रारीची दखल पोलिसांनी घेतली नाही. त्यानंतर मुलीला शोधल्यानंतर आऱोपी वारंवार मुलीच्या वडिलांना व त्याच्या भावाला घरी बोलून तुझी मुलगी आम्हाला दे नाही तर आम्ही तुझा खून करू अशी वारंवार धमकी देत होते. शेवटी तीच कुरापत काढून मुलीच्या भावाला आरोपीने हा निर्घृण खून केला असल्याचे बोलले जात आहे. या घटनेची फिर्याद रवीचे नातेवाईक युसुफ अमीर सैय्यद यांनी पोलिस स्थानकात दिली आहे. त्यानंतर पंचवटी पोलिसांनी भादंवि ३०२ सह १३५ मपोका अन्वये गुन्हा दाखल केला आहे. या घटनेचा पुढील तपास पोलिस निरीक्षक रणजित नलवडे करीत आहेत.
