नाशिक (इंडिया दर्पण वृत्तसेवा) – नाशिक महापालिकेतील लाचखोर वरिष्ठ लिपिक प्रेमलता प्रेमचंद कदम ही ५०० रुपयांची लाच घेताना लाचलुचपत प्रतिबंधक विभागाच्या (एसीबी) जाळ्यास सापडली आहे. कदम ही महापालिकेच्या पश्चिम वभागात जन्म मृत्यू विभागात कार्यरत आहे.
एसीबीने दिलेल्या माहितीनुसार, एका व्यक्तीने त्याच्या नातीचा जन्म दाखला मिळावा म्हणून महापालिकेत अर्ज केला होता. हा दाखला देण्यायासाठी ५०० रुपयांच्या लाचेची मागणी कदम हिने केली होती. अखेर याप्रकरणी एसीबीकडे तक्रार करण्यात आली. त्यानंतर एसीबीने पथक तयार करुन सापळा रचला. आणि या सापळ्यात प्रेमलता कदम ही अडकली. तिला ५०० रुपयांची लाच घेताना पथकाने रंगेहाथ पकडले आहे. याप्रकरणी तिच्यावर गुन्हा दाखल करण्याचे काम सुरू आहे.
एसीबीच्यावतीने आवाहन करण्यात येते की, त्यांच्याकडे कोणत्याही शासकीय अधिकारी/कर्मचारी यांनी किंवा त्यांच्या वतीने खाजगी इसमाने त्यांचे कोणतेही शासकीय काम करून देण्यासाठी लाचेची मागणी केल्यास तात्काळ संपर्क साधावा. त्यासाठी लाचलुचपत प्रतिबंधक विभागाच्या दुरध्वनी क्रं. ०२५३- २५७८२३० किंवा टोल फ्री क्रमांका १०६४ किंवा इ मेल
[email protected] वर तक्रार करावी, असे आवाहन करण्यात आले आहे.
Nashik ACR Raid Corruption Bribe Trap
Municipal Corporation Clerk Birth Certificate
