नाशिक (इंडिया दर्पण वृत्तसेवा) – नाशिक जिल्हयातील लासलगाव सह अन्य १३ बाजार समितींचा निवडणूकांचा कार्यक्रम जाहीर झाला होता. आजपासून त्यासाठी अर्ज दाखल करण्यात सुरुवात होणार असतांनाच नागपूर खंडपिठात ४४ बाजार समितींनी याचिका दाखल केल्या होत्या. त्यावर सुनावणी होऊन ३ जानेवारी पर्यंत बाजार समितीच्या निवडणूकींना स्थगिती देण्यात आल्याचे सहकार प्राधिकरणा कडून सांगण्यात आले आहे. जिल्ह्यातील देवळा, घोटी, मालेगाव, दिंडोरी, लासलगाव, सुरगाणा, नांदगाव, सिन्नर, पिंपळगाव, चांदवड, मनमाड, येवला व कळवण अशा या १३ बाजार समित्या आहे. या बाजार समितीच्या मतदारांची अंतिम यादी सात डिसेंबर रोजी जाहीर करण्यात आली आहे. त्यानंतर निवडणुकांसाठी आजपासून नामांकन अर्ज दाखल केले जाणार होते. पण, स्थगिती मिळाल्यामुळे या निवडणुकीत इच्छुक उमेदवारांचा हिरमोड झाला आहे.
