इंडिया दर्पण ऑनलाईन डेस्क – इंडियन प्रिमिअर लीग अर्थात आयपीएलची बहुप्रतिक्षीत लिलाव प्रक्रिया आज पार पडणार आहे. वर्षातील ही वेळ असते जेव्हा सर्व १० फ्रँचायझी त्यांची रणनीती परिपूर्ण करण्याचा प्रयत्न करतात आणि आयपीएलच्या नवीन हंगामाची तयारी करतात. IPL २०२३ हा जगातील सर्वात लोकप्रिय T20 लीगचा १६ वा हंगाम असेल, परंतु तो सुरू होण्यापूर्वी, संघ खेळाडूंच्या लिलावासाठी कोचीमध्ये एकत्र येतील. गेल्या वर्षीचा आयपीएल मेगा लिलाव सुपरहिट ठरला. कारण प्रत्येक फ्रँचायझीला सुरुवातीपासूनच त्यांचा संघ तयार करायचा होता. मात्र, हा लिलावही कमी महत्त्वाचा असणार नाही. यावेळी मिनी लिलाव होणार असून तो एका दिवसात संपणार असला तरी गतवेळप्रमाणेच जल्लोषही होणार हे निश्चित. लिलाव सुरू होण्यापूर्वी आपण याविषयी सविस्तर जाणून घेऊया…
एकूण खेळाडू आणि स्लॉट
गेल्या वर्षी जिथे एकूण ५०९ खेळाडू लिलावात गेले होते, तिथे यंदा ४०५ खेळाडू लिलावात जाणार आहेत. यापैकी २७३ भारतीय आणि उर्वरित १३२ परदेशी आहेत. यापैकी चार सहयोगी देशांतील आहेत. ११९ कॅप्ड क्रिकेटर आहेत आणि इतर २९६ अनकॅप्ड खेळाडू आहेत. सर्व १० फ्रँचायझींना मिळून एकूण ८७ स्लॉट भरायचे आहेत, ज्यामधून जास्तीत जास्त ३० परदेशी खेळाडू खरेदी करता येतील.
IPL लिलावाची प्रक्रिया
लिलावात सहभागी होण्यासाठी सर्व खेळाडू प्रथम नोंदणी करतात. यावेळी १५ देशांतील ९९१ खेळाडूंनी लिलावासाठी आपली नावे दिली होती. त्यापैकी ३६९ खेळाडूंना लिलावासाठी निवडण्यात आले होते. फ्रँचायझींच्या सांगण्यावरून त्यात आणखी ३६ खेळाडूंचा समावेश करण्यात आला. अशा प्रकारे, लिलावात सहभागी झालेल्या खेळाडूंची एकूण संख्या ४०५ झाली. फलंदाज, गोलंदाज, यष्टिरक्षक, अष्टपैलू खेळाडूंना वेगवेगळ्या गटात ठेवण्यात आले आहे. या सर्वांवर आलटून पालटून बोली लावली जाईल.
विकले गेलेले किंवा न विकलेले खेळाडू
लिलावावेळी लिलावकर्ता खेळाडूंची नावे आणि त्यांच्या मूळ किमती सांगतो. यावर, फ्रँचायझी आपले पॅडल वाढवतात आणि बोली लावतात. ज्या खेळाडूंसाठी किमान एका फ्रेंचायझीने पॅडल उचलले आहे त्यांना ‘विकलेले’ मानले जाते. एका खेळाडूवर एकापेक्षा जास्त फ्रेंचायझी बोली लावू शकतात. जो खेळाडू सर्वाधिक रकमेची बोली लावतो तो त्या संघाचा खेळाडू बनतो. एखाद्या खेळाडूसाठी फ्रँचायझीने पॅडल उचलले नाही, तर तो ‘अनसोल्ड’ समजला जातो.
कॅप्ड आणि अनकॅप्ड खेळाडू
ज्या खेळाडूंनी आपल्या देशासाठी कसोटी, एकदिवसीय किंवा T20 सामने खेळले आहेत ते कॅप्ड श्रेणीत येतात. त्याच वेळी, ज्या खेळाडूने आपल्या देशासाठी एकही आंतरराष्ट्रीय सामना खेळला नाही, त्याला अनकॅप्ड म्हटले जाते.
Of a scenic Auction venue, team strategies, preps and more.. 👌👌
How have the franchises geared up for the #TATAIPLAuction 2023 🤔 pic.twitter.com/azQRQu4Bht
— IndianPremierLeague (@IPL) December 23, 2022
IPL 2023 Players Auction Today Features
