मुंबई (इंडिया दर्पण वृत्तसेवा) – हिंडेनबर्ग रिसर्चने समोर आणलेल्या नकारात्मक अहवालामुळे गौतम अदानी आणि संपूर्ण अदानी समूहाच अडचणीत आला आहे. त्यानंतर सातत्याने नवनवीन खुलासे होत आहेत. आता निक्केई आशियाने नवा खुलासा केला आहे. त्यात गौतम अदानी आणि त्यांच्या समूहाच्या कंपन्यांवरील एकूण कर्ज ३.३९ लाख कोटी रुपयांवर पोहोचले आहे. हे कर्ज भारताच्या अर्थव्यवस्थेच्या प्रमाणात १ टक्के इतके आहे. त्याचा अर्थ गौतम अदानी कर्जाच्या सापळ्यात पुरते अडकले आहेत.
निक्केई आशियाच्या अहवालानुसार, अदानी समूहाने गेल्या वर्षी एसीसी, अंबुजा सिमेंट्स आणि नवी दिल्ली टेलिव्हिजनसह तीन कंपन्या खरेदी केल्या. यामुळे समूहावरील कर्जामध्ये वाढ झाली असून एकूण अर्ज ३.३९ ट्रिलियन रुपयांपर्यंत पोहोचले आहे. आंतरराष्ट्रीय नाणेनिधीच्या मते, ऑक्टोबरच्या अखेरीस भारताचा नाममात्र जीडीपी २७३ ट्रिलियन रुपये इतका होता. याचा अर्थ अदानींवरील कर्ज हे देशाच्या जीडीपीच्या १.२ टक्के इतके आहे.
गुंतवणूकदार चिंतेत
अदानी समूहाच्या १० कंपन्यांचे सामूहिक शेअर्सचे प्रमाण २५ टक्के होते. निक्केई अहवालातील नमूद माहितीनुसार अदानी ग्रीन एनर्जीचा इक्वीटी रेशो मार्च २०२२ पर्यंत फक्त २ टक्के इतके होते. याचाच अर्थ १० समूह कंपन्यांकडे ४.८ ट्रिलियन रुपयांपेक्षा जास्त मालमत्ता आहे. मात्र एवढ्या मोठ्या कर्जामुळे गुंतवणूकदार चिंतेत आहेत. हिंडेनबर्ग रिसर्चच्या अहवालानंतर, अदानी समूहाच्या सात लिस्टेट कंपन्यांनी त्यांच्या मार्केट कॅपमध्ये १०० बिलियन डॉलरपेक्षा जास्त घसरण झाली होती. त्यात आता नवा नकारात्मक अहवाल आल्याने गुंतवणूकारांच्या चिंतत भरच पडली आहे.
Industrialist Gautam Adani Loan Amount Debt Banks
