नाशिक (इंडिया दर्पण वृत्तसेवा) – सर्वोच्च न्यायालयाने १५ फेब्रुवारी रोजी निवडणूक रोख्यास असंविधानिक ठरवलेले असतांना नाशिकच्या इंडिया सिक्युरिटी प्रेसने २१ फेब्रुवारीपर्यंत १ कोटी रुपये किमतीचे ८३५० निवडणूक रोखे छापून पुरवठा केल्याचे समोर आले आहे. सर्वोच्च न्यायालयाने नव्याने निवडणूक जारी करण्यास स्थगिती देण्याचे आदेशही दिले होते. पण, तरी ते छापण्यात आले.
सेवानिवृत्त कमांडर लोकेश बात्रा यांनी माहिती अधिकारात माहिती मागीतल्यानंतर ही गोष्ट समोर आली. विशेष म्हणजे या रोख्यांवर ३ लाख ७२ हजार २२४ रुपयांचा जीएसटी लावण्यात आल्याचेही समोर आले आहे.
सर्वोच्च न्यायालयाच्या निर्णय़ानंतर नाशिक सिक्युरिटी प्रेसने न्यायालायच्या निर्णयाकडे दुर्लक्ष केल्यामुळे हे प्रकरण चांगलेच चर्चेत आले आहे. या प्रकरणात न्यायालयाचा अवमान झाल्यामुळे प्रेसवर कारवाई होऊ शकते..