नाशिक : ऑनलाईन पाच लाख रूपयांचे कर्ज मंजूर करून देण्याच्या मोबदल्यात भामट्यांने एकास ३३ हजार रूपयांना गंडविल्याची घटना समोर आली आहे. याप्रकरणी भद्रकाली पोलीस ठाण्यात फसवणुकीसह आयटीअ‍ॅक्ट नुसार गुन्हा दाखल करण्यात आला आहे. निशाद भालचंद्र कुलकर्णी (रा.श्रीरामकुंज सोसा.टाकळीरोड) यांनी याप्रकरणी तक्रार दाखल केली आहे. कुलकर्णी यांनी सप्टेंबर महिन्यात एका अ‍ॅपच्या माध्यमातून ऑनलाईन कर्जाच्या फॉर्मवर माहिती भरली होती. त्यानंतर त्यांना ८११६४१३५६४ या क्रमांकाच्या मोबाईलधारकाने संपर्क साधला होता. यावेळी संशयीताने ५ लाख रूपये कर्ज मंजूर करून देण्याची ग्वाही देत कुलकर्णी यांच्याकडून वेळोवेळी ३३ हजार ४९ रूपये ऑनलाईन भरण्यास भाग पाडले. अधिक तपास निरीक्षक ठाकुर करीत आहेत.
