इंडिया दर्पण ऑनलाईन डेस्क – अभिनेता कमल हसन यांची कन्या आणि अभिनेत्री श्रुती हसन सध्या आजारी आहे. या आजारपणातही ती सोशल मीडियावर सक्रिय आहे. या आजारपणातील काही फोटो इन्स्टाग्राम अकाऊंटद्वारे शेअर केले आहेत. दाक्षिणात्य चित्रपटसृष्टी इतकेच बॉलीवूडमध्येही प्रसिद्ध असलेले अभिनेते कमल हसन यांची लेक श्रुती हसनही लोकप्रिय अभिनेत्रींपैकी एक आहे. मध्यंतरी श्रुतीने तिच्या नाकाची सर्जरी केल्याचा खुलासा केला. “मी माझ्या नाकाची सर्जरी केली आहे. माझ्या नाकाला दुखापत झाल्यामुळे मी सर्जरी केली.” असं श्रुतीने स्पष्ट केलं. श्रुतीने शेअर केलेल्या फोटोंमध्ये तिचा विचित्र लूक समोर आला आहे.
श्रृतीने तिच्या इन्स्टाग्राम अकाऊंटद्वारे काही फोटो शेअर केले आहेत. या फोटोंमध्ये श्रुतीचा एक वेगळाच लूक दिसतो आहे. एका फोटोमध्ये श्रुती अगदी सुंदर दिसत आहे. तर दुसरा फोटो तिचा आजारपणातील आहे. श्रुतीने हे फोटो शेअर करताना म्हटलं की, “सेल्फीच्या या जगात माझे काही लूक फायनल होऊ शकले नाहीत. खराब केसांचा दिवस, ताप, सायनसमुळे सुजलेला चेहरा आणि भरीस भर म्हणून मासिक पाळीचा त्रास आणि आराम. त्यामुळे नेहमीसारखा अगदी टापटीप नसला तरी तुम्हाला माझा हा लूक देखील आवडेल अशी आशा आहे.” श्रुतीचा हा लूक पाहून चाहत्यांनी तिचं कौतुकच केलं आहे. खरा चेहरा, अगदी सुंदर, या लूकमध्येही छान दिसते अशा अनेक कमेंट तिचे फोटो पाहून चाहत्यांनी केल्या आहेत. सध्या तापामुळे तसेच मासिक पाळीच्या त्रासामुळे श्रुती हैराण झाली आहे. आणि तिचे हे आजारपण तिच्या फोटोंमध्येही दिसते आहे.
Actress Shruti Hasan Instagram Post Health Face
