इंडिया दर्पण ऑनलाईन डेस्क – लोकांचं नेहमीच दुसरा काय करतो याकडे लक्ष असतं. जिथे बॉलीवूडचा विषय येतो, तिथे तर हा आपला जन्मसिद्ध अधिकार असल्यासारखं कलाकारांच्या खासगी आयुष्यात सगळेच दखल देत असतात. असाच काहीसा अनुभव बॉलीवूड कलाकारांना नेहमीच येतो. बॉलिवूड पार्ट्यांमध्ये येणाऱ्या अभिनेते आणि अभिनेत्रींची नावे कायमच चर्चेत असतात. बॉलीवूड आणि पार्टी हे समीकरण अनेक वर्षांपासून आहे. या पार्ट्यांवरून अनेकदा कलाकारांना मोठ्या अडचणींना तोंड द्यावे लागल्याची उदाहरणे आहेत. याच पार्टीवरून सध्या अभिनेता फरहान अख्तर आणि अभिनेत्री अमृता अरोरा ट्रोल होत आहेत. या दोघांचा व्हिडीओ व्हायरल होत आहे. त्यांनी केलेल्या कृतीमुळे नेटकऱ्यांनी त्यांना ट्रोल केले आहे.
पार्टी करून झिंगत बाहेर पडलेले हे दोघे नुकतेच मुंबईत एकत्र दिसले. आपले चेहरे झाकत दोघेही पार्टीतून बाहेर पडले. करीना कपूरची मैत्रीण अमृता अरोरा हिच्या वाढदिवसाची पार्टी होती. करिनाने आपल्या नवीन घरात या पार्टीचे आयोजन केले होते. या पार्टीत बॉलिवूडचे अनेक कलाकार उपस्थित होते. फरहान अख्तर, शिबानी दांडेकर, रितेश सिधवानी आदी लोकांनी पार्टीला हजेरी लावली होती. या पार्टीचे फोटो व्हायरल झाले आहेत. मात्र लक्ष वेधलं ते फरहान आणि अमृताचा कृतीमुळे, चेहरा लपवल्याने नेटकऱ्यांनी ट्रोल केलं आहे.
दोघांचा व्हिडीओ व्हायरल होताच नेटकऱ्यांनी कमेंट्सचा वर्षाव केला आहे.
एकाने लिहले आहे “असं काम करताच का, ज्यामुळे तोंड लपवयाची वेळ आली?” तर दुसऱ्याने अमृतावर निशाणा साधला आहे, त्याने लिहले की “अमृताचा फोटो कोण काढणार?” तर आणखीन एकाने लिहले आहे, “दोघे बहुदा जास्त दारू प्यायले असावेत, नशेत असतील,” अशाप्रकारची टीका लोकांनी केली आहे.
अमृता अरोरा गेली अनेक वर्षे बॉलिवूडपासून दूर आहे. नुकतीच ती आपल्या बहिणीच्या ‘मूव्हिंग विथ मलायका’ या कार्यक्रमात येऊन गेली होती. तर फरहान अख्तर एका नव्या चित्रपटावर काम करत आहे.
Actor Farhan Akhtar Actress Amruta Arora Video Viral