नाशिक – तरण तलाव सिग्नलवर दारुच्या नशेत असलेल्या मद्यपी कार चालकाने सिग्नलवर उभ्या असलेल्या चार वाहनांवर धडक दिल्याची घटना गुरुवारी सायंकाळी घडली. या अपघातात एक जण गंभीर तर दुसरा किरकोळ जखमी झाला आहे. या अपघातात दोन दुचाकींसह दोन कारचे मोठे नुकसान झाले आहे. जिल्हा रुग्णालयाकडे येणाऱ्या या कारचालकाने सिग्नलवर तसेच रस्त्यावर उभ्या असलेल्या वाहनांना धडक दिली. ही कार भरधाव वेगात असल्यामुळे चालकाचे वेगावर नियंत्रण नसल्याने दोन कारसह अन्य दोन दुचाकींना धडक दिली. यात, एक दुचाकीस्वार गंभीर जखमी झाला.
