इंडिया दर्पण ऑनलाईन डेस्क – भारतीय खाद्यसंस्कृतीत अनेक खाद्यपदार्थांची रेलचेल आहे. त्यामुळेच आपल्या या पदार्थांचे अनेक चाहते आहेत. अगदी परदेशातील लोकांना देखील याची भूल पडली आहे. मग आपल्याकडील लोकांना याची भुरळ पडली नाही तरच नवल.
मराठीचा महिमा सातासमुद्रापार पोहचला आहे. अस्सल महाराष्ट्रीयन संस्कृती, पदार्थ आणि आता सिनेमा यांनी सर्वाना वेड लावले आहे. यापासून बॉलीवूड लांब कसं राहू शकेल. ‘स्त्री’ चित्रपटातून प्रेक्षकांची मने जिंकणारी अभिनेत्री श्रद्धा कपूर अस्सल महाराष्ट्रीयन आहे. तिची आई मराठी असून वडील पंजाबी आहेत, मात्र घरात ती अस्खलित मराठीत बोलते. त्यामुळे श्रद्धाने मिसळ पाववर ताव मारत मिसळ पावची वाहवा केली आहे.
मुंबईच्या वडापावप्रमाणे मिसळपाव देखील प्रसिद्ध आहे. मात्र कोल्हापूर, नाशिक, ठाणे, पुणे कुठली मिसळ सर्वात उत्तम असा एका सध्या वाद सुरू झाला आहे. अभिषेक बच्चनला देखील ठाण्यातील मामलेदार मिसळ आवडते. तर श्रद्धा कपूरनेदेखील मिसळ पावचा आनंद लुटत फोटो शेअर केला आहे, यात ती मिसळ पाव खात आहे, ‘wow मिसळ पाव’ अशी कॅप्शनही तिने दिली आहे. श्रद्धा कपूर मराठी सण साजरे करत असते, अनेकदा पत्रकार परिषदेतही ती मराठीत संवाद साधत असते.
श्रद्धा कपूर ही नेहमीच तिच्या ग्लॅमरस अंदाजामुळे चर्चेत असते. ‘भेडिया’ चित्रपटातील ‘ठुमकेश्वरी’ या गाण्यात नुकतीच श्रद्धा कपूरची झलक दिसली होती. लवकरच ती आता ‘लव रंजन’ यांच्या आगामी चित्रपटात झळकणार आहे. तिच्याबरोबर या चित्रपटात रणबीर कपूरदेखील असणार आहे.
Actress Shraddha Kapoor Tasty Misal Pav Video