इंडिया दर्पण ऑनलाईन डेस्क – छोट्या पडद्यावरील मालिका या प्रेक्षकांचे निखळ मनोरंजन करतात. यामुळेच त्याला प्रेक्षकांची फारच पसंती असते. यातही अनेक वाहिन्या असून झी मराठीला प्रेक्षकांची देखील पसंती असते. झी मराठीवरील मालिका या नेहमीच प्रेक्षकांच्या पसंतीस उतरतात.
‘माझी तुझी रेशीमगाठ’ ही अशीच एक लोकप्रिय मालिका. अनेक मोठे कलाकार या निमित्ताने पुन्हा छोट्या पडद्यावर आले. या मालिकेने अल्पावधीत प्रेक्षकांना आपलेसे केले. अभिनेता श्रेयस तळपदे आणि अभिनेत्री प्रार्थना बेहरे यांची केमिस्ट्री प्रेक्षकांना चांगलीच भावली. आता ही मालिका अंतिम टप्प्यात आली आहे. नुकताच या मालिकेचा शेवटचा भाग शूट झाल्याचं प्रार्थनाने सोशल मीडियावरून सांगितलं. मात्र, त्या व्हिडीओमुळे तिला ट्रोलिंगचा सामना करावा लागत आहे.
‘माझी तुझी रेशीमगाठ’ या मालिकेच्या शेवटच्या भागाचं शूटिंग झालं. या दरम्यानचा एक व्हिडीओ प्रार्थनाने पोस्ट केला. या व्हिडीओमध्ये प्रार्थना लाल रंगाच्या साडीमध्ये रस्त्यावर धावते आहे. तिला घाई असल्याने रिक्षाही थांबवतान दिसत आहे. हा व्हिडीओ पोस्ट करत तिने लिहीलं, “चित्रीकरणाचा शेवटचा दिवस.” परंतु तिचा हा व्हिडीओ पाहून प्रेक्षकांना हसू अनावर झालं आणि नेटकऱ्यांनी तिला ट्रोल करायला सुरुवात झाली.
तिच्या व्हिडीओवर कमेंट करत एका नेटकऱ्याने लिहीलं, “हिलची चप्पल घालून इतक्या वेगाने पळतेस! वाह!” तर दुसरा म्हणाला, “तिने स्वतःची चप्पल सोडली नाहीच.” आणखी एक नेटकरी म्हणाला, “इतकी श्रीमंत आहे तरीही गाडी घेऊन फिरत नाही.” तर एकाने लिहीलं, काय लॉजिक आहे? ज्या दिशेकडून पळत येता त्याच दिशेला जाणाऱ्या रिक्षेला हात करता. तसंच “एकतर ती पडेल नाहीतर साडी सुटेल…” असंही एक नेटकरी म्हणाला. त्यामुळे सध्या प्रार्थनाचा हा हा व्हिडीओ चर्चेत आला आहे.
Actress Prarthana Behre Troll in Social Media Video Viral