नाशिक (इंडिया दर्पण वृत्तसेवा) – लग्नाचे आमिष दाखवून एकाने तरुणीवर बलात्कार केल्याप्रकरणी नाशिकरोड पोलिस ठाण्यात बलात्कार, अनैसर्गिक कृत्य आणि अॅट्रोसिटी प्रमाणे गुन्हा दाखल करण्यात आला आहे. जोहेब जाफर खान (२५ रा.हरी किरण अपा.विहीतगाव) असे संशयिताचे नाव आहे. अश्लिल व्हिडीओ सोशल मिडीया व्हायरल करण्याची धमकी देऊन गर्भपात करण्यास भाग पाडल्याने युवतीने पोलिस स्थानकात तक्रार केली. याप्रकरणी संशयित आणि पीडिता एकाच भागातील रहिवासी आहेत. अनुसूचित जाती जमातीच्या पीडितेने दिलेल्या तक्रारीत म्हटले आहे की, नोव्हेंबर २०२० मध्ये संशयिताशी ओळख झाली. संशयिताने पाठलाग करीत लग्नाचे आमिष दाखविल्याने या ओळखीचे रूपांतर प्रेमात झाले. त्यामुळे दोघांमध्ये भेटीगाठी होत होत्या. मुलीने विश्वास ठेवल्याने संशयिताने तिला आपल्या घरात व सोसायटीच्या आवारात बोलावून घेत वेळोवेळी बळजबरीने बलात्कार केला. यावेळी त्याने अनैसर्गिक कृत्याचे अश्लिल फोटो व व्हिडीओही काढला. कालांतराने तरूणी दोन वेळा गर्भवती राहिली असता संशयिताने तिला गर्भपात करण्यास भाग पाडले. गर्भपात करण्यास मुलीने विरोध केला असता संशयिताने अश्लिल व्हिडीओ व्हायरल करण्याची धमकी देत गर्भनिरोधक गोळय़ा बळजबरीने घेण्यास भाग पाडून गर्भपात केल्याचा आरोप युवतीने केला आहे. अधिक तपास सहाय्यक आयुक्त सिध्देश्वर धुमाळ करीत आहेत.