येवला (इंडिया दर्पण वृत्तसेवा) – येवला शहरात गेल्या १५ वर्षा पासून सामाजिक कार्यात अग्रेसर धडपड मंचतर्फे येवला शहरातील मुख्य बाजार पेठेत ८ फुट उंच इको फ्रेन्डली आकाश कंदील आज लावण्यात आला. कापड व डिझाईनचा कागद वापरुन विविध नक्षीकाम या आकाश कंदीलावर केले जाते. अनेक वर्षांपासून प्रसिध्द व्यंगचित्रकार प्रभाकर झळके हे धडपड मंच तर्फे हा उपक्रम राबवत असतात. दिवाळी हा मांगल्याचा प्रतिक असला सण असल्याने वातावरण निर्मिती व्हावी. या उद्देशाने दिवाळीपूर्वी आठवडाभर अगोदर हा आकाश कंदील शहरातील मुख्य बाजारपेठेत लावण्यात आला.
