येवला (इंडिया दर्पण वृत्तसेवा) – येवला तालुक्यातील अंदरसूल येथील कांदा व्यापा-याची लुट करणा-याला पोलिसांनी अहमदाबाद येथून घेतले ताब्यात घेतले आहे. कांदा व्यापा-याची कॅश बॅंकतून घेऊन परत जात असतांना येवला-कोटमगाव रस्त्यावर चोरीच्या उद्देशाने पाठीमागून आलेल्या चोरटयांनी दुचाकीवरून येत असलेल्या कॅशियर विजय गायकवाड यांच्या कडील पैशांची पिशवी ओढली होती. त्यात ते जखमी झाले आणि उपचारा दरम्यान मृत्यू झाला. याप्रकरणी पाच आरोपी पकडण्यात आले तर तीन जण फरार झाले होते. त्यातील संजय भाईजी गागडेकर या आरोपीला अहमदाबाद येथून येवला पोलिसांच्या पथकाने ताब्यात घेत अटक केली आहे. अन्य दोघांचा पोलिस शोध घेत आहे.