पुणे (इंडिया दर्पण वृत्तसेवा) – नवीन वर्षात अनेक स्मार्टफोन कंपन्या आपआपले अत्याधुनिक मोबाईल फोन बाजारात आणत असून येत्या काही दिवसात आणखी काही आकर्षक आणि अनेक गॅझेटसह स्मार्टफोन लॉन्चिंग होणार आहेत. सहाजिकच स्मार्टफोन कंपन्यांमध्ये मोठी स्पर्धा दिसून येत आहे. त्याचा व्हिवो या नामांकित स्मार्टफोन कंपनीने एक अत्याधुनिक आणि आकर्षक फोन बाजारात आणला असून त्यात अनेक सोयी सुविधा ग्राहकांसाठी उपलब्ध आहेत.
Vivo कंपनीने भारतात नवीन स्मार्टफोन लॉन्च केला असून हा Vivo Y21T स्मार्टफोन आहे. तो कंपनीच्या Y-सीरीज अंतर्गत देण्यास आला आहे. Vivo चा हा नवीन फोन मिडनाईट ब्लू आणि पर्ल व्हाईट या दोन रंगांच्या पर्यायांमध्ये आला आहे.
Vivo Y21T स्मार्टफोन दि. 3 जानेवारी 2022 पासून Vivo India ई-स्टोअर आणि सर्व भागीदार रिटेल स्टोअरमध्ये विक्रीसाठी उपलब्ध झाला असून हा फोन ट्रेंडी स्लिम डिझाइन आणि अनेक दमदार फीचर्ससह आला आहे.
Vivo Y21T स्मार्टफोनची किंमत 16,490 रुपये आहे. हा फोन 4GB रॅम आणि 128GB स्टोरेजसह देण्यात येतो. स्मार्टफोनमध्ये 6.58-इंचाचा फुल एचडी + इंसेल डिस्प्ले आहे. या फोनचा डिस्प्ले 90Hz रिफ्रेश रेटसह येतो. हा Vivo स्मार्टफोन Snapdragon 680 प्रोसेसरने बनलेला आहे.
Vivo Y21T स्मार्टफोन Android 11 वर आधारित FunTouch OS 12 वर चालतो. या Vivo फोनची जाडी 8.0mm आणि वजन 182 ग्रॅम आहे. फोनमध्ये अतिरिक्त आय प्रोटेक्शन मोड देण्यात आला आहे. यामुळे ग्राहकाचा फोन वापराचा अनुभव आरामदायक ठरतो, असा कंपनीचा दावा आहे.
Vivo Y21T स्मार्टफोनच्या मागील बाजूस मुख्य कॅमेरा 50 मेगापिक्सेलचा आहे. याशिवाय फोनच्या मागील बाजूस 2 मेगापिक्सलचा सुपर मॅक्रो कॅमेरा आणि 2 मेगापिक्सेलचा बोकेश कॅमेरा देण्यात आला आहे.
या फोनमध्ये पर्सनलाइज्ड पोर्ट्रेट मोड, सुपर एचडीआर आणि सुपर नाईट मोड देण्यात आला आहे. सेल्फी आणि व्हिडिओ कॉलिंगसाठी फोनच्या फ्रंटमध्ये 8-मेगापिक्सल कॅमेरा देण्यात आला आहे. फोन एआय एडिटरसह येतो, जो तुम्हाला स्टायलिश व्हिडिओ तयार करू देतो आणि ते थेट सोशल मीडियावर शेअर करू देतो.
विशेष म्हणजे हा स्मार्टफोन रिव्हर्स चार्जिंग फीचरसह आला आहे. Vivo Y21T स्मार्टफोनमध्ये 5,000 mAh बॅटरी असून तो 18W फास्ट चार्जसह देण्यात येतो. स्मार्टफोन रिव्हर्स चार्जिंग फीचरसह येतो, याचा अर्थ ग्राहक हा फोन पॉवर बँक म्हणून वापरू शकतात.