इंडिया दर्पण
– विचार पुष्प –
तेव्हा जिवंत असल्याची जाणीव होते
भौतिक वस्तूंमध्ये चेतना असते. मनुष्यामध्ये किंवा प्राण्यामध्ये जशी चेतना असते आणि जसा प्राण असतो तशीच चेतना किंवा प्राण भौतिक वस्तुंमध्ये नसतो हे आपल्याला माहीत आहे. परंतु त्यांच्यामध्येही सुप्त रूपाने आणि खरीखुरी चेतना असते. आणि म्हणूनच आपण भौतिक वस्तुंना योग्य तो मान दिला पाहिजे आणि आपण त्यांचा योग्य रीतीने वापर केला पाहिजे. त्यांचा गैरवापर किंवा अपव्यय करता कामा नये. त्यांचा वाटेल तसा वापर करता कामा नये. त्यांची हाताळणी निष्काळजीपणे करता कामा नये. केवळ मनच नव्हे तर, आपली स्वतःची शारीरिक चेतना जेव्हा तिच्या अंधःकारातून बाहेर पडते आणि सर्व वस्तूमात्रांच्या ठायी असलेल्या ‘एकमेवाद्वितीया’ची, सर्वत्र असलेल्या ‘ईश्वरा’चीच जेव्हा तिला जाणीव होते तेव्हा सर्व काही सचेत किंवा जिवंत असल्याची जाणीव व्यक्तीला होते.
