इंडिया दर्पण
– विचार पुष्प –
…हाच ‘दिव्य जीवना’चा पाया आहे
पूर्णतः प्रामाणिक असणे म्हणजे फक्त आणि फक्त दिव्य ‘सत्या’चीच इच्छा बाळगणे होय. ‘परमेश्वरा’प्रत स्वतःला अधिकाधिक समर्पित करणे. या व्याकुळतेव्यतिरिक्त असणाऱ्या सर्व वैयक्तिक मागण्या व इच्छा-वासना यांचा परित्याग करणे…
जीवनातील प्रत्येक कृती ही ‘ईश्वरा’लाच अर्पण करणे आणि हे कार्य ‘ईश्वरा’ने दिलेले आहे हे जाणून, कोणताही अहंकार आड येऊ न देता, कार्य करणे… हाच ‘दिव्य जीवना’चा पाया आहे.
व्यक्ती एकाएकी एकदम पूर्णपणे तशी होऊ शकत नाही. पण व्यक्ती जर सातत्याने तशी अभीप्सा बाळगत असेल आणि ‘ईश्वरी शक्ती’ने साहाय्य करावे म्हणून अगदी अंतःकरणपूर्वक आणि साध्यासरळ इच्छेने नेहमी तिचा धावा करत असेल, तर अशी व्यक्ती या चेतनेप्रत अधिकाधिक उन्नत होत जाते.
