मलप्पुरम (केरळ) – पती-पत्नीच्या नात्याबद्दल अनेक चांगली उदाहरणे दिली जातात. परंतु त्यांच्या नात्यांमध्ये दुरावा निर्माण झाल्यास काही वेळा घटस्फोटापर्यंत प्रकरणे येतात, आणि घटस्फोट होतो देखील. मुस्लिम समाजात मात्र तीनदा तलाक म्हटले की घटस्फोट होतो असे मानले जाते. केरळ मध्ये असाच एक घटक घटस्फोट होत असताना नवऱ्याने आपल्या बायकोला तलाक म्हटले नाही म्हणून त्याच्या सासरच्या मंडळींनी या जावयाची चांगलीच धुलाई केली.
केरळमधील मलप्पुरम जिल्ह्यात ‘तिहेरी तलाक’ सांगून नाते तोडण्यास नकार दिल्याने एका ३० वर्षीय पुरुषाला त्याच्या पत्नीच्या नातेवाईकांनी बेदम मारहाण केली. या घटनेप्रकरणी कोट्टक्कल पोलिसांनी सहा जणांना अटक केली आहे. या संदर्भात एका वरिष्ठ पोलीस अधिकाऱ्याने सांगितले की अब्दुल असीबला त्याच्या सासरे आणि पत्नीच्या काकांनी मारहाण केली कारण त्याने ‘तिहेरी तलाक’ बोलून आपल्या पत्नीशी संबंध तोडण्यास नकार दिला होता, त्यांचे दीड वर्षापूर्वी लग्न झाले होते.
दाम्पत्य आणि त्यांच्या नातेवाइकांमध्ये काही वाद झाले, त्यांनी या मुद्द्यावर हस्तक्षेप केला. त्याचप्रमाणे असीब हा संशयास्पद स्वभावाचा असून त्याला अंमली पदार्थांचे व्यसन असल्याचा आरोप पत्नीच्या नातेवाईकांनी केला आहे. मारहाण झाल्याने जखमी तरूणाला खासगी रुग्णालयात दाखल करण्यात आले असून, मारहाण करणाऱ्या आरोपींमध्ये असीबचे सासरे शमसुद्दीन आणि फातिमाचे मामा मजीद, शफीक, जलील, शफिर अली आणि मुस्तफा यांचा समावेश आहे, असे पोलिसांनी सांगितले.
