इंडिया दर्पण ऑनलाईन डेस्क – छोट्या पडद्यावरील अत्यंत लोकप्रिय मालिका असलेल्या ‘तारक मेहता का उलटा चष्मा’ या मालिकेतील तारक मेहताचे पात्र साकारणाऱ्या अभिनेता सचिन श्रॉफ याने वयाच्या पन्नासाव्या वर्षी दुसरे लग्न केले आहे. त्याने पत्नी तसेच कुमकुम फेम अभिनेत्री जुही परमार हिला घटस्फोट दे चांदणीशी नवा डाव सुरू केला आहे.
सचिन आणि जुही यांचे २००९ मध्ये लग्न झाले. आठ वर्षांच्या संसारात काही कडुगोड प्रसंगांचा सामना दोघांनीही केला. एका मुलाखतीत जुहीचं माझ्यावर प्रेम नसल्याचे सचिनने म्हटले होते. याच कारणामुळे हे दोघं एकमेकांपासून विभक्त झाले. सचिनला एक मुलगीही आहे. २०१८मध्ये जुही व सचिन यांचा घटस्फोट झाला. सचिनची पत्नी ही एक इवेंट मॅनेजर तसेच इंटेरियर डिझायनर म्हणून काम करते. दरम्यान सचिनची चांदणीशी ओळख झाली. नुकताच दोघांनी विवाह केला असून त्यांच्या लग्नाचे फोटो सोशल मीडियावर व्हायरल होत आहे. यावेळी त्याच्या पत्नीने निळ्या रंगाचा डिझायनर लेहेंगा परिधान केला होता. तर सचिनने भगव्या रंगाची शेरवानी परिधान केली होती. टीव्ही विश्वामधील अनेक कलाकार मंडळींनी सचिनच्या लग्नाचे फोटो सोशल मीडियाद्वारे शेअर केले आहेत. सचिन आणि चांदणीचा लग्नसोहळा अत्यंत थाटामाटात झाला. या कार्यक्रमाला अनेक कलाकार मंडळींनी हजेरी लावली.
TMKOC Fame Actor Sachin Shroff Second Marriage
