नाशिकरोड – नाशिक महानगरपालिकेचे माजी नगरसेवक, व्यापारी सहकारी बँकेचे माजी संचालक सतीश चंदूलाल मंडलेचा (वय ६०) यांचे आज सकाळी निधन झाले. महाराष्ट्र चेंबर ऑफ कॉमर्सचे माजी अध्यक्ष संतोष मंडलेचा, नासिक रोड जैन श्रावक संघाचे अध्यक्ष डॉक्टर राजेंद्र मंडलेचा व मनोज मंडलेचा यांचे ते बंधू होत. त्यांच्या पश्चात पत्नी, दोन मुले असा परिवार आहे. १९९२ साली ते महापालिकेत नागरी विकास आघाडी कडून वार्ड क्रमांक ५२ मधून निवडून आले होते. २०१७ मध्ये भाजपा वतीने निवडणूक लढविली होती परंतु त्यांना यश मिळाले नाही. व्यापारी बँकेचे संचालक म्हणून त्यांनी अनेक वर्षे काम केले, नाशिकरोड ब्लॉक काँग्रेस कमिटीचे अध्यक्ष पदाची धुरा त्यांनी यशस्वीरीत्या सांभाळली होती. संघटन कौशल्य, सहकार क्षेत्रातील दांडगा अनुभव म्हणून ते सर्वदूर परिचित होते. त्यांच्या निधनाने परिसरात शोककळा पसरले असून त्यांच्यावर आज त्याच्या वर अंत्यसंस्कार करण्यात येणार आहेत.