मुंबई (इंडिया दर्पण वृत्तसेवा) – कोणताही खेळ असो, त्यामध्ये खेळाडूला संधी मिळणे आवश्यक असते. विशेषतः सराव करणे आणि वेगवेगळ्या स्पर्धांमध्ये खेळला तर त्या खेळाडूची कामगिरी चांगली होऊ शकते, अन्यथा त्याला खेळण्याची संधी मिळाली नाही तर निराशा येऊ शकते, सध्या देखील एका युवा क्रिकेट खेळाडूंनी संधी अभावी वेगळ्या संघात नेहमीच्या संघात दाखवण्याचा निर्णय घेतला आहे. तो खेळाडू म्हणजेच जगप्रसिद्ध क्रिकेटपटू सचिन तेंडुलकर याचा मुलगा अर्जुन तेंडुलकर होय. अर्जुनने त्याच्या क्रिकेट करिअरबाबत मोठा निर्णय घेतला आहे.
भारताच्या क्रिकेट संघाचा माजी कर्णधार मास्टरब्लास्टर सचिन तेंडूलकरचा मुलगा सध्या वयाने २२ वर्षाचा असून अर्जुन तेंडूलकरने त्याच्या क्रिकेट करिअरबाबत मोठा निर्णय घेतला आहे. अर्जुन तेंडुलकर पुढील रणजी हंगामापूर्वी मुंबई संघ सोडण्याच्या तयारीत आहे. त्यासाठी अर्जुनने मुंबई क्रिकेट असोसिएशनकडे ना हरकत प्रमाणपत्र मागितले होते, जे त्याला देण्यात आले आहे. त्यामुळे पुढील देशांतर्गत क्रिकेटचा सीझन तो गोव्यासाठी खेळताना दिसणार आहे. मुंबई संघाचा भाग असूनही अर्जुन तेंडुलकरला मुंबईसाठी फारसे सामने खेळायला मिळालेले नाहीत, त्यामुळेच त्याने हा निर्णय घेतला आहे.
एसआरटी स्पोर्ट्स मॅनेजमेंटने एका निवेदनात म्हटले आहे की, “करिअरच्या या टप्प्यावर अर्जुनसाठी जास्तीत जास्त वेळ मैदानावर घालवणे महत्त्वाचे आहे. आम्हाला विश्वास आहे की दुसऱ्या संघाकडून खेळल्याने अर्जुनला अधिक स्पर्धात्मक सामने खेळण्याची संधी मिळेल. तो त्याच्या क्रिकेट कारकिर्दीचे नवे पर्व सुरु करत आहे.”
गोवा क्रिकेट असोसिएशनचे सचिव विपुल फडके यांच्या माहितीनुसार, “अर्जुन तेंडुलकरला गोव्यासाठी व्यावसायिक क्रिकेट खेळायचे आहे, त्यासाठी त्याच्याशी चर्चा सुरु आहे. विपुल फडके यांच्या म्हणण्यानुसार अर्जुन तेंडुलकरला एमसीएची एनओसी मिळाल्यानंतर त्याची फिटनेस चाचणी केली जाईल आणि त्यानंतर त्याला गोवा संघात प्रवेश मिळू शकेल.
अर्जुन तेंडुलकर गेल्या मोसमातच मुंबईच्या रणजी संघात सहभागी झाला होता. परंतु सीनियर संघात आल्यानंतर अर्जुन तेंडुलकरला एकही सामना खेळलेला नाही. डावखुरा वेगवान गोलंदाज अर्जुन तेंडुलकर यापूर्वी भारताच्या अंडर-19 संघाचा भाग होता. तर इंडियन प्रीमियर लीग अर्थात आयपीएलमध्ये मुंबई इंडियन्स संघाचा तो सदस्य आहे. मात्र, इथेही अर्जुन तेंडुलकरला गेल्या दोन हंगामात एकही सामना खेळायला मिळालेला नाही. अर्जुनने देशांतर्गत टी-20 स्पर्धा, सईद मुश्ताक अली ट्रॉफीचे दोन सामने मुंबईसाठी खेळले आहेत. त्याने हरियाणा आणि पाँडिचेरीविरुद्ध मुंबईचे प्रतिनिधित्व केले होते.
अर्जुन तेंडुलकरच्या आधी भारताच्या आणखी एका माजी कर्णधाराचा मुलगा गोव्या संघात सहभागी झाला होता. हा मोहम्मद अझरुद्दीनचा मुलगा मोहम्मद असदुद्दीनने 2018 च्या हंगामात रणजी ट्रॉफीचे दोन सामने खेळले होते. याशिवाय सुनील सुनील गावस्कर यांचा मुलगा रोहन देखील वेगळ्या राज्यासाठी खेळला आहे. रोहन 18 वर्षांचा असताना बंगालला गेला. संघाकडून खेळताना राज्यात सर्वाधिक धावा करणारा खेळाडू ठरला. एवढंच नाही तर अनेक हंगामात कर्णधारपदही भूषवले आहे. आता आणखी चांगली संधी मिळावी अशी त्याची अपेक्षा आहे.
Sachin Tendulkar Son Arjun Big Decision for Cricket Career
Mumbai Indians Goa IPL Arjun Tendulkar