कोरोनामुळे आणि लॉकडाऊनमुळे अनेक लोकांचे रोजगार गेले असून उद्योग व्यवसाय देखील ठप्प झाले आहेत. त्यातच परीक्षा शैक्षणिक संस्था देखील बंद असल्याने परीक्षा आणि प्रवेश प्रक्रिया काही प्रमाणात थांबल्या आहेत. त्यामुळे अनेक तरुण बेरोजगार असून नेमके काय करावे ? हा मोठा प्रश्न आहे. त्यातच आता रेल्वे खात्यामध्ये विविध पदांवर नोकरभरती सुरू आहे. पश्चिम मध्य रेल्वेच्या काही विभागांमध्ये पदवीधर तरुणांना नोकरीची संधी उपलब्ध आहे.
पश्चिम मध्य रेल्वेमध्ये स्टेशन मास्टरच्या ३८ जागांवर भरती घेण्यात आली आहे. यापैकी १८ पदे अपुरक्षित आहेत. अनुसूचित जाती, ५ एसटी आणि १२ ओबीसी प्रवर्गासाठी पदे आरक्षित आहेत. जीडीसीई कोट्यातून ही भरती झाली आहे. केवळ पश्चिम मध्य रेल्वेचे कर्मचारीच यासाठी अर्ज करू शकतात. ही भरती सामान्य विभागीय स्पर्धा परीक्षा (जीडीसीई) च्या माध्यमातून केली जाईल. अर्ज करण्याची अंतिम तारीख २५ जुलै आहे.
शैक्षणिक पात्रता
पश्चिम मध्य रेल्वेमध्ये स्टेशन मास्टरच्या ३८ जागांवर भरती करिता कोणत्याही क्षेत्रात पदवीधारक उमेदवाराला अर्ज करण्याची संधी आहे. मात्र कोणत्याही विद्यापीठाची मान्यता प्राप्त पदवी असणे आवश्यक आहे.
उमेदवार निवड चाचणी
प्रथम संगणक आधारित चाचणी (सीबीटी) असेल. त्यानंतर सीबीटी उत्तीर्ण झालेल्या उमेदवारांची योग्यता चाचणी घेतली जाईल. सीबीटीमधील प्रत्येक चुकीच्या उत्तरासाठी एक तृतीयांश गुण वजा केला जाईल. परंतु एप्टीट्यूड टेस्टमध्ये नकारात्मक चिन्हांकन होणार नाही.
अधिक माहितीसाठी
पूर्ण सूचना पाहण्यासाठी इच्छुक उमेदवार आरआरसी वेबसाइट www.wcr.indianrailways.gov.in वर भेट देऊन ऑनलाईन अर्ज करू शकतात. रेल्वे भर्ती कक्षाने म्हटले आहे की आरपीएफ आणि आरपीएसएफ कर्मचारी यासाठी अर्ज करण्यास पात्र नाहीत.