पुणे (इंडिया दर्पण वृत्तसेवा) – पुण्यातील सर्वात कुख्यात सेक्स रॅकेटर कल्याणी उर्फ जयश्री उर्फ टीना उमेश देशपांडे (52) हिला पुण्यातील विशेष न्यायालयाने दोषी ठरवून सात वर्षांची सश्रम कारावासाची शिक्षा सुनावली आहे. अनैतिक मानवी व्यापार प्रतिबंधक कायदा तसेच महाराष्ट्र संघटित गुन्हेगारी नियंत्रण कायदा (MCOCA) च्या कलमांखाली आरोपीला दोषी ठरवण्यात आलेले हे महाराष्ट्रातील पहिलेच प्रकरण असल्याचे समोर येत आहे.
कल्याणी ही सुमारे 90च्या दशकापासून पुण्यातील देह व्यापाराचा भाग होती, पण 2000 सालामध्ये तिचे नाव पुणे पोलिसांच्या नोंदीमध्ये आले. सामान्य कुटुंबात लहानाची मोठी झालेली कल्याणी पुण्यातील टॉप ‘दलाल’ बनली. तिच्यावर सुमारे 24 गुन्हे दाखल आहेत. रिपोर्ट्सनुसार, कल्याणीचे नेटवर्क अजय पाटील, शक्ती थापा, मंगेश रुद्राक्ष आणि राजू बंगाली यांसारख्या गुन्हेगारांपेक्षा खूप मोठे असल्याचे सांगितले जाते. तिच्या बंगल्यातून ‘व्हीनस एस्कॉर्ट्स’ नावाची एस्कॉर्ट एजन्सी चालवली जात होती. कल्याणीचा बंगला वेश्याव्यवसाय आणि गुन्ह्यांसाठी कुप्रसिद्ध होता.
डिसेंबर 2007 मध्ये त्यांचे जवळचे सहकारी अनिल ढोले यांची याच बंगल्यात हत्या करण्यात आली होती. मुंबईतून वेश्याव्यवसायासाठी कॉल गर्ल्स आणण्यासाठी ढोले हा एजंट म्हणून काम करत असे. ढोलेच्या मृत्यूनंतर कल्याणीच्या कारवाया वाढल्या. तिने पुणे आणि इतर भागात वेश्याव्यवसायासाठी देश-विदेशातील मुलीं पुरवल्याचा केल्याचा आरोप आहे. कल्याणीने हॉटेलवाले आणि संघटित गुन्हेगारी सिंडिकेट यांच्यात दलाली करत मजबूत नेटवर्क निर्माण केले. तिच्याकडे खूप मोठा क्लायंट बेस होता. ज्यात काही हाय-प्रोफाइल ग्राहकांचा समावेश होता.
यापूर्वीही कल्याणीला अनेकवेळा अटक करण्यात आली होती. तिच्यावर मुंबईतही फौजदारी गुन्हा दाखल करण्यात आला होता. डिसेंबर 2005 मध्ये पुण्याच्या बाहेरील एका हॉटेलमध्ये एका सेक्स वर्करच्या हत्येप्रकरणी कल्याणीवर प्रथमच मोक्का अंतर्गत गुन्हा दाखल करण्यात आला होता. या प्रकरणी हवेली पोलीस ठाण्यात पहिला एफआयआर दाखल करण्यात आला होता, परंतु तिला नंतर निर्दोष सोडण्यात आले.
कल्याणीच्या जीवनावर आधारित चित्रपट?
मिळालेल्या माहितीनुसार, कल्याणीने तिच्या जीवनावर आधारित चित्रपटाची घोषणा केल्याचे सांगितले जाते. या चित्रपटाचे चित्रीकरण पुणे, मुंबई आणि अहमदाबाद येथे होत असल्याचा दावाही तिने केला होता. मात्र या चित्रपटाबद्दल काहीच माहिती नाही. या चित्रपटाच्या माध्यमातून कल्याणीला पोलिसांकडून तिचे शोषण आणि तिला वेश्याव्यवसायात कसे भाग पाडले गेले हे जगाला सांगायचे होते. कल्याणीने चौकशीदरम्यान पोलिसांना सांगितले की, ती एका सामान्य कुटुंबातील आहे आणि तिचे लग्न एका ऑटोचालकाशी झाले आहे. तिच्या कुटुंबासाठी पैशाची तातडीची गरज असल्याने तिला सेक्स रॅकेटमध्ये ओढले होते. मात्र, जुलै 2016 मध्ये गुन्हे शाखेच्या पथकाने छापा टाकल्यानंतर कल्याणी बिथरली. पुण्यातील भुसारी कॉलनी अपार्टमेंटमध्ये गुन्हे शाखेने एका सेक्स रॅकेटचा पर्दाफाश केला. कोथरूड पोलिस ठाण्यात एफआयआर दाखल करण्यात आला आणि पोलिसांनी सुरुवातीला कल्याणीचे सहकारी प्रदीप गवळी आणि रवी तापसी यांना अटक केली. त्याला ऑगस्टमध्ये कठोर कलमांतर्गत अटक करण्यात आली होती.
Pune High Profile Sex Racket Kalyani Deshpande Court Order
Crime
