इंडिया दर्पण ऑनलाईन डेस्क – ऑनलाइन फूड डिलिव्हरी होण्यास उशीर झाल्यामुळे लोक संतप्त झाल्याच्या घटना अनेकदा घडतात. पण दिल्लीत अन्न उशिरा पोहोचल्यानंतरही एका व्यक्तीने जे केले ते थक्क करणारे आहे. फूड डिलिव्हरी बॉय उशिरा आल्यावर ऑर्डर देणाऱ्या व्यक्तीने त्याची आरती केली. त्याचा व्हिडिओ सोशल मीडियावर प्रचंड व्हायरल होत आहे.
या प्रकरणाचा व्हिडिओ इन्स्टाग्रामवर पोस्ट करण्यात आला आहे. यामध्ये फूड डिलिव्हरी बॉय दारात पोहोचल्याचे दिसत आहे. यानंतर ग्राहक बराच वेळ थांबून आरतीचे ताट घेऊन त्याच्या स्वागतासाठी पोहोचतात. इतकंच नाही तर यादरम्यान तो ‘आइये आपके इंतजार था’ हे प्रसिद्ध बॉलीवूड गाणं म्हणू लागतो. यानंतर, तो डिलिव्हरी बॉयच्या कपाळावर टिळा लावतो आणि पार्सल घेतो.
यादरम्यान डिलिव्हरी बॉयही पूर्ण साथ देताना दिसत आहे. टिळा लावून घेण्यासाठी तो त्याचे हेल्मेट काढतो. अशा अनपेक्षित स्वागताने आश्चर्यचकित होऊन तो हसतानाही दिसत आहे. व्हिडिओ सोबत लिहिले आहे की, जेव्हा तुम्ही तुमच्या जेवणासाठी तासभर थांबता आणि दिल्लीची रहदारी असूनही तुमची ऑर्डर मिळते. धन्यवाद झोमॅटो. इंस्टाग्राम यूजर्सही या व्हिडिओवर भरपूर कमेंट करत आहेत. ही क्लिप जवळपास ५ दशलक्ष लोकांनी पाहिला आहे.
Online Food Delivery Parcel Late Video Viral
