नाशिक – शहराची चिंता वाढविणारे एक वृत्त आहे. अफ्रिकेतून नाशिक शहरात आलेल्या एका व्यक्तीची कोरोना चाचणी पॉझिटिव्ह आली आहे. मात्र, हा व्यक्ती ओमिक्रॉन बाधित आहे की नाही हे अद्याप स्पष्ट झालेले नाही. या व्यक्तीचे नमुने तपासणीसाठी पाठविण्यात आले आहेत. त्याचा अहवाल आल्यानंतरच स्पष्ट होणार आहे की, ती व्यक्ती ओमिक्रॉन बाधित आहे की नाही.
अफ्रिकेहून एकूण ३ व्यक्ती नाशकात आल्या होत्या. त्यातील एक व्यक्ती कोरोना बाधित असल्याचे समोर आले आहे. या तिन्ही व्यक्ती औद्योगिक कामासाठी नाशकात आले होते. या तिघांचीही चाचणी करण्यात आली. त्यात दोघांची चाचणी निगेटिव्ह तर एकाची चाचणी पॉझिटिव्ह आली आहे. या व्यक्तींच्या संपर्कात आलेल्यांचा शोध नाशिक महापालिकेककडून घेतला जात आहे. यासंदर्भात युद्ध पातळीवर माहिती संकलन सुरू झाले आहे. आरोग्य यंत्रणा सतर्क झाली आहे. या व्यक्ती ज्या हॉटेलमध्ये मुक्कामास होत्या तेथील व्यक्तींचीही तपासणी केली जाणार आहे.
दरम्यान, नाशिककरांनी घाबरु नये. कोरोना निर्बंधांचे पालन कसोशीने करावे, असे आवाहन महापालिका आयुक्त कैलास जाधव यांनी केले आहे.
नाशिक शहरासह जिल्ह्याची कोरोना स्थिती अशी
जिल्हा सामान्य रुग्णालयामार्फत आज प्राप्त अहवालानुसार जिल्ह्यातील ४ लाख ३ हजार ८५९ कोरोना बाधीतांना डिस्चार्ज देण्यात आला आहे. सद्यस्थितीत ३३० रुग्णांवर उपचार सुरू आहे. तसेच आत्तापर्यंत ८ हजार ७३८ रुग्णांचा मृत्यू झाला आहे, अशी माहिती जिल्हा नोडल अधिकारी डॉ. अनंत पवार यांनी दिली आहे.
उपचार घेत असलेले पॉझिटिव्ह रुग्ण
नाशिक ग्रामीण मध्ये नाशिक २८, बागलाण ०८, चांदवड ०५, देवळा ०४, दिंडोरी ११, इगतपुरी १९, कळवण ०५, मालेगाव ०४, नांदगाव ०५, निफाड ३६, पेठ ००, सिन्नर २२, सुरगाणा ००, त्र्यंबकेश्वर ०३, येवला २४ असे एकूण १७४ पॉझिटीव्ह रुग्णांवर ग्रामीण भागात उपचार सुरू आहेत. तसेच नाशिक महानगरपालिका क्षेत्रात १४१, मालेगांव महानगरपालिका क्षेत्रात ०६ तर जिल्ह्याबाहेरील ०९ रुग्ण असून असे एकूण ३३० रुग्णांवर उपचार सुरु आहेत. तसेच आजपर्यंत जिल्ह्यात ४ लाख १२ हजार ९२७ रुग्ण आढळून आले आहेत.
नाशिक ग्रामीणमध्ये काल आढळून आलेले बाधित रुग्ण
नाशिक ग्रामीण मध्ये नाशिक ०१, बागलाण ००, चांदवड ०१, देवळा ००, दिंडोरी ००, इगतपुरी ००, कळवण ०३, मालेगाव ०२, नांदगाव ०४, निफाड ०४, पेठ ००, सिन्नर ०२, सुरगाणा ००, त्र्यंबकेश्वर ००, येवला ०० असे एकूण १७ पॉझिटीव्ह रुग्ण ग्रामीण भागात आढळून आले आहेत.
रुग्ण बरे होण्याची टक्केवारी
जिल्हयात रुग्ण बरे होण्याची टक्केवारी नाशिक ग्रामीण मधे ९७.२१ टक्के, नाशिक शहरात ९८.२१ टक्के, मालेगाव मध्ये ९७.१३ टक्के तर जिल्हा बाह्य रुग्णांचे बरे होण्याचे प्रमाण ९७.७६ टक्के आहे. तसेच जिल्ह्यात बरे होण्याचे प्रमाण ९७.८० इतके आहे.
मृत्यु
नाशिक ग्रामीण ४ हजार २४० नाशिक महानगरपालिका क्षेत्रातून ४ हजार १४, मालेगांव महानगरपालिका क्षेत्रातून ३५८ व जिल्हा बाहेरील १२६ अशा एकूण ८ हजार ७३८ रुग्णांचा मृत्यु झाला आहे.
लक्षणीय
– ४ लाख १२ हजार ९२७ कोरोनाबाधित रुग्णांपैकी ४ लाख ३ हजार ८५९ रुग्ण पुर्णपणे बरे झाल्याने त्यांना डिस्चार्ज.
– सध्या जिल्ह्यात उपचार घेत असलेले ३३० पॉझिटिव्ह रुग्ण.
– जिल्ह्यात बरे होण्याचे प्रमाण ९७.८० टक्के.
(वरील आकडेवारी जिल्हा सामान्य रुग्णालयाकडून प्राप्त माहितीच्या आधारे नमूद करण्यात आली आहे.)
