लग्नानंतर तीन महिन्यांनी सासरी असं काही केलं की वाचून तुम्हालाही धक्काच बसेल

इंडिया दर्पण ऑनलाईन डेस्क – लग्नाच्या दुसर्‍या दिवशी वधूच्या फरार होण्याच्या आणि तिच्या कारनाम्याच्या बातम्या तुम्ही अनेकदा ऐकल्या किंवा वाचल्या असतील. असाच एक प्रकार यावेळीही समोर आला आहे. मात्र यावेळी नवरीने पळून जाण्यासाठी जी युक्ती अवलंबली आहे, ते पाहून तुमचे खरंच होश उडून जातील. खरं तर ही एक चिंतेची बाब आहे. यासंदर्भात पोलिसांनीच मोठा खुलासा केला आहे.

उत्तर प्रदेशातील संबळ येथील ही घटना आहे. तीन महिन्यांपूर्वी लग्न झालेल्या नवविवाहित वधूने पतीला दुधातून नशेच्या गोळ्या दिल्या. त्यानंतर तिने साडीच्या साहाय्याने दुमजली घरातून उडी मारली आणि मध्यरात्री प्रियकरासह फरार झाली. चोर असलेल्या या नवरीने पतीच्या घरातून ७० हजारांची रोकड आणि लाखोंचे दागिनेही नेले. सीसीटीव्ही कॅमेऱ्यात या सर्व प्रकार कैद झाला आहे. त्यामुळेच आता नववधू प्रियकरासह पळून जातानाचे फोटो व्हायरल झाले आहेत.

संबळ शहरातील हलू सराई येथे राहणारा अंकुश ठाकूर याचा विवाह मध्य प्रदेशातील शिवपुरी येथील वैशाली हिच्यासोबत तीन महिन्यांपूर्वी झाला होता. लग्नानंतर नवरी पतीसोबत वैशाली ही सासरच्या घरी राहत होती. अंकुशने वैशालीसोबत सुखी वैवाहिक जीवनाची सारी स्वप्ने जपली होती पण वैशालीच्या मनात काहीतरी वेगळंच चालू होतं. गुरुवारी सकाळी अंकुशला जाग आली तेव्हा वैशाली खोलीत नव्हती. खोलीतील कपाट उघडे होते आणि वस्तू विखुरलेल्या होत्या. त्याने बाल्कनीत बघितले तर ग्रीलला खाली लटकलेली साडी पाहून तो चक्रावला. त्यानंतर स्पष्ट झाले की ७० हजारांच्या रोख रकमेसह दागिने घेऊन नवरी पसार झाली आहे.

पत्नी वैशाली बेपत्ता झाल्यामुळे रोख रक्कम आणि दागिने गायब झाल्याची सत्यता जाणून घेण्यासाठी अंकुशने घरातील सीसीटीव्हीचे  फुटेज तपासले आणि सत्य समोर आले. सीसीटीव्हीमध्ये वैशालीचा प्रियकर पुढे जात होता आणि त्याच्या मागे वैशाली अंकुशच्या घरातून मुख्य रस्त्याच्या दिशेने चालत जात असल्याचे दिसले. रात्री झोपताना अंकुशला त्याची पत्नी वैशाली हिने दूध पाजले, त्यानंतर दूध प्यायला लागताच तो गाढ झोपला. तो सकाळी उशिरापर्यंत झोपला होता. सकाळी खोलीत पाहिले असता, रात्री पत्नी वैशाली हिने दुधात मिसळून नशेच्या गोळ्या दिल्याचे दिसून आले.

पती अंकुश ठाकूरने सांगितले की, त्याच्या पत्नीचे मध्य प्रदेशातील शिवपुरी येथील रहिवासी हर्ष ठाकूरसोबत प्रेमसंबंध होते. सीसीटीव्हीमध्ये दिसणारी व्यक्ती खुश असल्याचे दिसत आहे. एएसपी आलोक कुमार जयस्वाल यांनी सांगितले की, नववधू घराच्या ग्रीलला साडी बांधून त्याच वाटेने उतरून पळून गेली आणि तिने काही रोख आणि दागिने सोबत नेले. ज्या तरुणासोबत जाण्याची भीती पीडित कुटुंबाला वाटत होती, त्या तरुणाविरुद्ध गुन्हा दाखल करण्यात आला आहे.

Newly Married Wife Done this after 3 months
Crime Uttar Pradesh Sambal CCTV Theft