माणिकराव खुळे, हवामानतज्ज्ञ
२०२२ हे वर्ष संपण्यासाठी आता अवघे दोन दिवस उरले आहेत. सरत्या वर्षाला निरोप आणि नववर्षाचे स्वागत याचे ठिकठिकाणी जय्यत नियोजन सुरू आहे. मात्र, याच दरम्यान आणि नव्या वर्षाच्या प्रारंभी थंडी कशी असेल, हवामानाचा अंदाज काय आहे याकडेही सर्वसामान्यांचे लक्ष आहे. आता यासंदर्भात आपण जाणून घेऊया…
नववर्षाच्या स्वागताला महाराष्ट्रात थंडीची सलामी आणि पाच दिवस जाणवू शकते थंडी
उत्तर भारतात पास झालेल्या पहिल्या पश्चिमी झंजावाताने २३-२७ डिसेंबर दरम्यान महाराष्ट्राला काहींशी थंडी दिली आहे. सध्या उत्तर भारतात दाट धुक्याची चादर आहे. त्या वातावरणाने सध्या महाराष्ट्रातील थंडीही कमी केली आहे.
नव्याने येऊ घातलेल्या दुसऱ्या पश्चिमी झंजावातामुळे येत्या १ जानेवारी २०२३ पासून पुढील ५ दिवस (१ ते ५ जानेवारी) दरम्यान उत्तर भारतात बर्फ आणि पाऊस असेल. तर महाराष्ट्रात थंडी वाढण्याची शक्यता जाणवते. या दरम्यानच्या काळात महाराष्ट्रात पावसाची शक्यता नाही.
सध्या इतकेच!
वातावरणात एकाकी काही बदल झाल्यास तसे सांगितले जाईल.
New Year Winter Cold Weather Climate Forecast
