मुंबई (इंडिया दर्पण वृत्तसेवा) – महाराष्ट्रातील सत्तासंघर्षावर सुप्रीम कोर्टाकडून आज निकाल जाहीर केला जाणार आहे. त्याचवेळी दुसरीकडे राष्ट्रवादी शरद पवार यांच्या राजीनाम्या नाट्यानंतर आता पक्षाचे प्रदेशाध्यक्ष जयंत पाटील यांना ईडीची नोटीस आली आहे. सर्वांचे लक्ष त्या निकालाकडे लागले आहे. यापुर्वी राष्ट्रवादी काँग्रेसचे नेते अजित पवार, अनिल देशमुख, नवाब मलिक, हसन मुश्रीफ, छगन भुजबळ यांनी यापूर्वी केंद्रीय यंत्रणांच्या चौकशीला सामोरे गेले होते.
राष्ट्रवादी काँग्रेसचे प्रदेशाध्यक्ष जयंत पाटील यांना ईडीची नोटीस आली असून त्यांना उद्या चौकशीला हजर राहण्याचे आदेश देण्यात आले आहेत. जयंत पाटील यांना आयएल आणि एफएलएस प्रकरणी उपस्थित राहण्याचे आदेश देण्यात आले आहेत. आयएल आणि एफएलएसच्या माध्यमातून अनेकांनी आर्थिक मोठा गैरव्यवहार केला असल्याचा आरोप होता. या नोटिशीबाबत जयंत पाटील यांनी प्रतिक्रीया दिली आहे ते म्हणाले की, आज माझ्या लग्नाचा वाढदिवस आहे. आणि आजच माझ्या घरी हवालदार आला आणि मला ईडीची नोटिस देऊन गेला.
ईडीकडून या प्रकरणी जयंत पाटील यांना सोमवारी हजर राहण्याचे समन्स देण्यात आले आहे. ईडीची नोटीस अद्याप मिळाली नसल्याचे पाटील यांच्याकडून सांगण्यात आले आहे. आयएलएफस आर्थिक गैरव्यवहार प्रकरणात जयंत पाटील यांना ही नोटीस पाठवण्यात आल्याची माहिती आहे. त्यांनी आयएलएफस च्या माध्यमातून अनेक बड्या लोकांनी आर्थिक गैरव्यवहार केल्याचा आरोप आहे. विशेष म्हणजे यापूर्वी या प्रकरणात मनसेप्रमुख राज ठाकरे यांचीही ईडीने चौकशी केली होती. त्यानंतर आता जयंत पाटील यांना ईडीने चौकशीसाठी पाचारण केले आहे. या प्रकरणात सर्वप्रथम दिल्लीतील आर्थिक गुन्हे शाखेने गुन्हा नोंदवला होता. त्यानंतर या आर्थिक गैरव्यवहाराची व्याप्ती पाहता हे प्रकरण सक्तवसुली संचलनालय अर्थात ईडीकडे सोपवण्यात आले होते.
जयंत पाटील यांना जाणीवपूर्वक ही नोटीस बजावण्यात आली आहे अशी चर्चा राष्ट्रवादी काँग्रेसमध्ये रंगली आहे. मात्र जयंत पाटील यांना ईडीची नोटीस येणे हा योगायोग आहे असे उदय सामंत यांनी म्हटले आहे. आयएल आणि एफएस या कंपनीच्या व्यवहारांची ईडीकडून चौकशी सुरू होती. या कंपनीने दिवाळखोरी जाहीर केली होती. या कंपनीच्या माध्यमातून मोठा आर्थिक गैरव्यवहार झाल्याचा आरोप होता. या आधीही या कंपनी प्रकरणी राज ठाकरे यांनाही नोटीस पाठवण्यात आली होती.
आर्थिक व्यवहारात अनियमितता होती. यात मनी लाँड्रिंग झालं आणि पोलिसांनी यात गुन्हा दाखल केला होता. या प्रकरणात अरुणकुमार साहा यांना ताब्यात घेऊन चौकशी केली होती. यामध्ये अनेक नावे समोर आली होती. त्यात जयंत पाटील यांच्याही नावाचा समावेश आहे. अशा नोटीसा शरद पवारांपासून अनेक नेत्यांना अशा नोटीसा आल्या आहेत. त्यामुळे या नोटीसांमुळे राष्ट्रवादी कमकुवत होण्याऐवजी आणखी भक्कम होत आहे, असे राष्ट्रवादीच्या नेत्या विद्या चव्हाण यांनी म्हटले आहे.
NCP Leader Jayant Patil ED Notice
