नाशिक : वेगवेगळया भागात झालेल्या दोन घरफोडींमध्ये चोरट्यांनी २५ हजाराचा ऐवज लंपास केला आहे. या दोरन घरफोडीत एक घरफोडी भरदिवसा करण्यात आली आहे. याप्रकरणी पोलिस दप्तरी नोंद करण्यात आली आहे. पहिली घटना दिंडोरीरोडवरील स्नेहनगर भागात घडली. श्रीकांत दिपक पाटील (रा.भगवती अपा.शनिमंदिराजवळ) यांनी याप्रकरणी तक्रार दाखल केली आहे. पाटील कुटूंबिय बुधवारी कामानिमित्त घराबाहेर पडले असता अज्ञात चोरट्यांनी त्यांच्या बंद फ्लॅटचे कुलूप तोडून बेडरूममधील धान्याच्या कोठडीत ठेवलेली सहा हजार रूपयांची रक्कम व सोन्याचांदीचे दागिणे असा सुमारे १५ हजाराचा ऐवज चोरून नेला.दुसरी घटना किशोर सुर्यवंशी मार्गावर झाली. येथे राहणा-या लता नामदेव पवार (रा.खुशाली संकुल अपा.जुईनगर) यांनी या चोरीप्रकरणी तक्रार दाखल केली आहे. पवार कुटूंबिय शनिवारी वडिलांच्या वर्षश्राध्दच्या कार्यक्रमानिमित्त मुळ गावी गेले होते. अज्ञात चोरट्यांनी त्यांच्या बंद घराचा कडीकोयंडा तोडून बेडरूममधील कपाटातील साडे तीन हजाराची रोकड व कानातील झुबके असा सुमारे ९ हजार ५०० रूपयांचा ऐवज चोरून नेला. दोन्ही गुह्यांप्रकरणी म्हसरूळ पोलिस ठाण्यात घरफोडींचा गुन्हा दाखल करण्यात आला असून अधिक तपास पोलिस नाईक लिलके व भोये करीत आहेत.
दोन घरफोडींमध्ये चोरट्यांनी सोन्याचांदीचे दागिणे, रोकड केली लंपास
प्रातिनिधिक फोटो
