नाशिक ( इंडिया दर्पण वृत्तसेवा) – शहरात अपहरणाचे सत्र सुरूच असून वेगवेगळय़ा भागात राहणा-या दोन अल्पवयीन मुली बेपत्ता झाल्या आहेत. त्यांना कुणी तरी फुस लावून पळवून नेल्याचा आरोप कुटूंबियांनी व्यक्त केल्याने म्हसरूळ आणि सातपूर पोलिस ठाण्यात अपहरणाचे गुन्हे दाखल करण्यात आले आहेत. मखमलाबाद येथील सिध्दार्थनगर भागात राहणारी १५ वर्षीय मुलगी रविवारी (दि.६) दुपार पासून बेपत्ता आहे. कुणी तरी तिला फुस लावून पळवून नेल्याचा अंदाज कुटूंबियांनी वर्तविला असून याप्रकरणी म्हसरूळ पोलिस ठाण्यात अपहरणाचा गुन्हा दाखल करण्यात आला आहे. अधिक तपास उपनिरीक्षक घडवजे करीत आहेत. दुसरी घटना औद्योगीक वसाहतीतील अशोकनगर भागात घडली. शनि चौकात राहणारी अल्पवयीन मुलगी शनिवारी (दि.५) सायंकाळच्या सुमारास शिकवणीस जावून येते असे सांगून गेली ती अद्याप घरी परतली नाही. सदर मुलीस कुणी तरी पळवून नेल्याचा अंदाज वर्तविण्यात येत असून पालकांनी दिलेल्या तक्रारीवरून सातपूर पोलिस ठाण्यात अपहरणाचा गुन्हा दाखल करण्यात आला आहे. अधिक तपास उपनिरीक्षक वाघ करीत आहेत.
शहरात अपहरणाचे सत्र सुरूच; दोन अल्पवयीन मुली बेपत्ता
