नाशिक (इंडिया दर्पण वृत्तसेवा) – हिरावाडीरोड भागात कौटुंबिक वादातून चुलत्याने शिवीगाळ करीत पुतण्यावर चाकू हल्ला केल्याची घटना घडली. या घटनेत पुतण्या गंभीर जखमी झाला असून याप्रकरणी पंचवटी पोलिस ठाण्यात गुन्हा दाखल करण्यात आला आहे.
अशोक महादू गरड (५५ रा.आपला महाराष्ट्र कॉलनी हिरावाडीरोड) असे चाकू हल्ला करणा-या संशयित चुलत्याचे नाव आहे. याप्रकरणी यश सुरेश गरड (२३) या युवकाने तक्रार दाखल केली आहे. संशयित आणि तक्रारदार एकमेकांचे शेजारी राहत असून ते काका पुतणे आहेत.
बुधवारी (दि.१५) यश गरड व त्याची आई आपल्या घरात असतांना संशयिताने कौटुंबिक वादातून दोघांना शिवीगाळ केली. यावेळी पुतण्या यश आपल्या चुलत्यास जाब विचारण्यासाठी गेला असता संशयिताने त्यास दमदाटी करीत धारदार चाकूने त्याच्यावर हल्ला केला.
या घटनेत यश गरड याच्या दोन्ही हातांवर वार करण्यात आल्याने तो जखमी झाला असून त्याच्यावर उपचार सुरू आहेत. अधिक तपास हवालदार घुगे करीत आहेत.
💥 #eknathshinde #cm
*एकनाथ शिंदे मुख्यमंत्रीपदाचा राजीनामा देणार?*
न्यायालयाने ताशेरे ओढल्यानंतरचा असा आहे महाराष्ट्राचा इतिहास
(Video)
https://t.co/JtZf1AfoqS#indiadarpanlive #court #order #maharashtra #resignation #history— India Darpan Live (@IndiaDarpanLive) March 17, 2023
