नाशिक (इंडिया दर्पण वृत्तसेवा) – महामार्गावरील इंदिरानगर बोगदा भागात भरधाव अज्ञात वाहनाने दिलेल्या धडकेत सायकलस्वार ठार झाला. कुमार अमित (२४ रा.दत्तचौक,विजयनगर सिडको) असे मृत सायकलस्वाराचे नाव आहे. याप्रकरणी मुंबईनाका पोलिस ठाण्यात मृत्यूची नोंद करण्यात आली आहे. कुमार अमित हा युवक गेल्या सोमवारी (दि.२७)सकाळच्या सुमारास महामार्गाच्या सर्व्हीसरोडने सायकलवर प्रवास करीत असतांना हा अपघात झाला. इंदिरानगर बोगदा परिसरात पाठीमागून भरधाव आलेल्या अज्ञात वाहनाने सायकलला धडक दिली होती. या अपघातात कुमार अमित गंभीर जखमी झाला होता. सिडकोतील त्रिमुर्ती हॉस्पिटल येथे त्यास दाखल केले असता गुरूवारी (दि.२) उपचार सुरू असतांना त्याचा मृत्यू झाला.
