नाताळ सुटीत नाशिककरांच्या भेटीला विशेष पर्यटन महोत्सव; या पर्यटनस्थळांना देता येणार भेटी

नाशिक (इंडिया दर्पण वृत्तसेवा) – नाशिककरांच्या भेटीला नाताळ सुटीत रायझिंग नाशिक या विशेष पर्यटन महोत्सवाचे आयोजन करण्यात आले आहे. विशेष सप्ताहाद्वारे नाशिककरांना शहरासह जिल्ह्यातील विविध पर्यटनस्थळांना भेटी देता येणार आहेत. त्यासाठी राज्य सरकारचे पर्यटन मंत्रालय, इंडिया दर्पण माध्यम समूह आणि कोकण पर्यटन संस्था यांनी पुढाकार घेतला आहे.

रायझिंग नाशिक हा विशेष पर्यटन महोत्सव सप्ताह येत्या २४ ते ३१ डिसेंबर या कालावधीत साजरा होणार आहे. २४ डिसेंबरपासून दररोज नाशिक जिल्ह्यातील एक सहल आयोजित केली जाणार आहे. नाममात्र दरात होणाऱ्या या सहलीद्वारे नाशिक जिल्ह्याच्या पर्यटनाला चालना मिळावी, असा हेतू आहे. या पर्यटन महोत्सव सप्ताहाचे उद्घाटन येत्या २४ डिसेंबर रोजी पर्यटन मंत्रालयाच्या सहसंचालक मधुमती सरदेसाई यांच्या हस्ते आणि कोकण पर्यटन संस्थेचे संचालक दत्ता भालेराव, इंडिया दर्पण माध्यम समुहाचे संचालक गौतम संचेती, भावेश ब्राह्मणकर, देविदास चौधरी यांच्या उपस्थितीत केला जाणार आहे. तर, या पर्यटन महोत्सव सप्ताहाची सांगता दि. ३१ डिसेंबर रोजी महागंगा आरतीने रामकुंडावर होणार आहे.

या सप्ताहात आयोजित सहली खालील प्रमाणे
अ.क्र…सहल….. दिनांक
१) ममदापूर/नांदूरमध्यमेश्वर…….. २४/१२/२२
२) हतगड, स्ट्रॉबेरी फार्म……. २५/१२/२२
३) घोरवड, गोंदेश्वर, महागणपती सिन्नर…… २६/१२/२२
४) मांगीतुंगी…… २७/१२/२२
५) घोरवड, बोर्डी ……….२८/१२/२२
६) चांदवड रंगमहाल, चंद्रेश्वरी, रेणुकादेवी…… २९/१२/२२
७) भंडारदरा, सांधण व्हॅली, अमृतेश्वर……. ३०/१२/२२
८) सह्याद्री फार्म, मधमाशी गार्डन, सेवरगाव, महागंगाआरती रामकुंड………. ३१/१२/२२

सहलीचे शुल्क
रु. १५५०/- प्रोढांसाठी – सर्व सहली (बोर्डी व घोरवडसाठी १७५०)
रु.१२००/- १० वर्षाखालील बालकांसाठी. – सर्व सहली  (बोर्डी व घोरवडसाठी १४००)
सहल खर्चात समाविष्ट बाबी – प्रवास, प्रवेश फी,नाष्टा, दुपारचे जेवण, टूर गाईड, सायंकाळी चहा/काॅफी
बुकींसाठी संपर्क क्रमांक – 7030894411 किंवा 0253-2313368

Nashik Christmas Holiday Special Tourism Week
Rising Nashik Tourist