आमदार सुहास कांदे विधानसभेत आक्रमक; फडणवीसांवर केली ही प्रश्नांची सरबत्ती (व्हिडिओ)

मुंबई (इंडिया दर्पण वृत्तसेवा) – नांदगाव विधानसभेचे आमदार सुहास कांदे हे आज विधानसभेत अतिशय आक्रमक झालले पहायला मिळाले. कांदे यांनी  बंडखोरी करत शिंदे गटात सहभागी होण्याचा निर्णय घेतल्यामुळे ते चर्चेत होते. त्यानंतर युवासेना प्रमुख आदित्य ठाकरे यांच्या मनमाड दौऱ्यावेळीही कांदे यांनी जोरदार शक्तीप्रदर्शन केले. यापूर्वी त्यांनी तत्कालिन पालकमंत्री छगन भुजबळ यांच्या विरोधात जोरदार मोर्चा उघडला होता. आता कांदे हे सत्ताधारी गटात असले तरी त्यांनी उपमुख्यमंत्री देवेंद्र फडणवीस यांच्यावर प्रश्नांची सरबत्ती केली आहे. निमित्त आहे ते महाराष्ट्र सदन घोटाळ्याचे. विशेष म्हणजे, महाराष्ट्र सदन घोटाळ्यात तत्कालिन सार्वजनिक बांधकाम मंत्री छगन भुजबळ यांच्यावर विविध प्रकारचे आरोप करण्यात आले. याप्रकरणी राज्य सरकारने नेमकी काय कार्यवाही केली असा सवाल उपस्थित करीत कांदे यांनी आक्रमक पद्धतीने प्रश्न विचारले. अखेर फडणवीस यांनी या प्रश्नाला उत्तर दिले. बघा, त्याचा हा व्हिडिओ

आमदार सुहास कांदे यांनी उपस्थित केलेले प्रकरण:
तत्कालीन मुख्यमंत्री उद्धव ठाकरे यांनी महाधिवक्ता यांचे अभिप्राय घेण्यास सांगत विधी व न्याय विभागाच्या परिपत्रकाला स्थगिती दिली आणि पुढे परिपत्रक रद्द केले.
यातील सर्व कायदेशीर बाबी तपासून पुढील निर्णय घेण्यात येईल.
(1/2) pic.twitter.com/NQPSRmOQRL

— Devendra Fadnavis (Modi Ka Parivar) (@Dev_Fadnavis) August 24, 2022

MLA Suhas Kande Aggressive in Assembly today Video