इंडिया दर्पण ऑनलाईन डेस्क – ज्या मुली, महिला नोकरी करतात त्यांना मॅट्रिमोनिअल वेबसाईट्सवर मॅच किंवा जोडीदाराकडून फारशी पसंती मिळत नसल्याचे एका अभ्यातासून समोर आले आहे. तर ज्या महिला नोकरी करत नाही त्यांना १५ ते २२ टक्के अधिक पसंती असल्याचे या अभ्यासातून समोर आले आहे.
दिवा धर यांनी हे सर्वेक्षण केले असून त्या ऑक्सफर्ड विद्यापीठाच्या ब्लावात्निक स्कूल ऑफ गव्हर्नमेन्टमध्ये डॉक्टरल कॅन्डिडेट आहेत. त्यांना नोकरी करणाऱ्या किंवा काम करणाऱ्या महिलांबाबत आणि नोकरी न करणाऱ्या महिलांबाबत अभ्यास करायचा होता. या अभ्यासाद्वारे त्यांना लग्न जुळवताना नेमकी पसंती कुणाला मिळते, त्यामागची कारणं काय आहेत, नोकरी करणाऱ्या महिलांना मॅट्रिमोनिअल साईट्सवर लग्न जुळवताना कोणत्या अडचणींचा सामना करावा लागतो, या प्रश्नांची उकल त्यांनी या अभ्यासातून केली.
या सर्वेक्षणसाठी त्यांनी २० बनावट प्रोफाईलही मॅट्रीमोनिअल साईट्सवर तयार केले होते. यात त्यांनी वय, लाईफस्टाईल, आवडी, निवडी या सगळ्या गोष्टी सारख्या ठेवून फक्त तीन मुद्द्यांमध्ये फरक केला. तुमचा जोडीदार नोकरी करणारी असावी का, जोडीदाराने भविष्यातही नोकरी करावी का, किती पैसे कमवावेत, या तीन प्रश्नांबाबतची माहिती बनावट प्रोफाईलमध्ये वेगवेगळ्या पद्धतीने भरली. नेमका कोणत्या प्रोफाईलला कसा प्रतिसाद मिळतो, हे पाहून निष्कर्ष काढण्याचा प्रयत्न त्यांनी केला.
काम करणाऱ्या महिलांच्या तुलनेत लग्नसाठी ७८ – ८५ पुरुष हे कधीही काम किंवा नोकरी केलेल्या महिलांना अधिक पसंती देत असल्याचे हा अभ्यास सांगतो. त्यामुळे ऑनलाईन लग्न जुळवणाऱ्या साईट्सवर महिलांकडे पाहण्याचा नेमकी दृष्टीकोन कसा असतो, याबाबतही अनेक गोष्टी समोर आल्या आहेत. टाइम्स ऑफ इंडियाने याबाबतचं वृत्त दिले आहे.
लग्नानंतर नोकरी करु इच्छिणाऱ्या महिलांचा पगार हा फार मोठी भूमिका बजावत असल्याचेही यातून समोर आले. अशा महिलांना पुरुषांची पसंती मिळते. परंतु, नोकरी न करणाऱ्या महिलांच्या तुलनेत जास्त कमावणाऱ्या महिलांना पसंती देण्याची शक्यता १० टक्के कमी आहे. तर पुरुषांपेक्षा कमी कमावणाऱ्या महिलांना जास्त पसंती मिळण्याची शक्यता १५ टक्के आहे. ९९ टक्के महिला या वयाच्या ४०व्या वयापर्यंत लग्न करतात. आपली नोकरी लग्नात अडथळा ठरत असेल, तर महिला ते सोडण्याला पसंती देतात.
Matrimonial Websites Women’s Preference Survey Report