इंडिया दर्पण ऑनलाईन डेस्क – स्टार प्रवाहवरील अनेक मालिका लोकप्रिय आहेत. लोकांना आवडतील असे असले तरी वेगळे विषय घेऊन या मालिका बेतलेल्या असतात. त्यामुळेच अल्पावधीतच ही वाहिनी तगडी प्रतिस्पर्धी म्हणून उभी राहिली. याच वाहिनीवरील ‘मुलगी झाली हो’ ही मालिका घराघरात लोकप्रिय आहे. या मालिकेमुळे यातील कलाकारांना ओळख मिळाली आहे. ही मालिका लवकरच प्रेक्षकांचा निरोप घेणार असल्याची चर्चा आहे. ही मालिका कधी निरोप घेईल हे माहीत नाही, पण या मालिकेत एसीपी सिद्धांत ही भूमिका साकारणारा अभिनेता सिद्धार्थ खिरीड हा लवकरच या मालिकेतून एक्झिट घेणार आहे. नुकतीच त्याने सोशल मीडियावर एक पोस्ट शेअर केली आहे. यात त्याने या मालिकेतून लवकरच निरोप घेण्याबद्दल सांगितले आहे.
अभिनेता सिद्धार्थ खिरीड हा सोशल मीडियावर फारच सक्रिय असतो. तो नेहमीच विविध फोटो आणि व्हिडीओ शेअर करत असतो. नुकतीच त्याने ‘मुलगी झाली हो’ या मालिकेबद्दल एक भावूक पोस्ट शेअर केली आहे. या मालिकेत त्याने एसीपी सिद्धांत ही भूमिका साकारली आहे. या मालिकेच्या शूटिंगचा त्याचा शेवटचा दिवस होता. या निमित्ताने त्याने इन्स्टाग्रामवर काही फोटो शेअर केले. आणि त्याला त्याने भावूक कॅप्शनही दिले आहे.
‘मुलगी झाली हो’ या मालिकेतील एसीपी सिद्धांत या पात्राला माझा निरोप. या भूमिकेने मला आनंद दिला आणि लोकांचे अपार प्रेम दिले. या भूमिकेने या मालिकेतून एक्झिट घेऊन दोन महिने झाले आहेत. पण जेव्हा मी याबद्दलचे मेसेज, कमेंट्स पोस्ट वाचतो तेव्हा मला फार छान वाटते. या शोमध्ये माझी पुन्हा एंट्री झाली. हे पात्र विरोधी असले तरी लोक त्या पात्राची अजूनही आठवण काढतात याबद्दल मला खरंच फार कौतुक वाटतं, असं सिद्धार्थ सांगतो.
स्टार प्रवाह आणि पॅनरोमो इंटरटेनमेंट यांनी मला ही संधी दिली त्याबद्दल त्याने त्यांचे आभार मानले आहेत. लेखक, दिग्दर्शक, डीओपी, लाईट दादा, स्पॉट दादा, कॉस्च्युम, माझे सर्व स्क्रीन कलाकार, प्रेक्षक, फॅन पेज आणि या प्रोजेक्टशी जोडलेल्या प्रत्येकाचे खूप खूप आभार…. एसीपी सिद्धांत भोसलेचा अखरेचा नमस्कार”, असा इमोशनल निरोप सिद्धार्थने घेतला आहे. सिद्धार्थच्या या पोस्टवर नेहमीप्रमाणेच अनेकांच्या कमेंट आल्या आहेत. ‘कुठे पोहोचण्यासाठी कुठून तरी निघणे गरजेचे आहे’, अशी कमेंट एका नेटकऱ्याने केली आहे. तर दुसऱ्या नेटकऱ्याने ‘लवकरच काहीतरी नवीन घेऊन आम्हाला भेटायला ये… आम्ही तुझी वाट बघतोय… मिस यू….लव्ह यू सो मच’ अशी प्रतिक्रिया दिली आहे.
Marathi TV Serial Mulgi Zali Ho Actor Exit
Entertainment Star Pravah
