मालेगाव (इंडिया दर्पण वृत्तसेवा) – येथील किल्ला पोलिस स्टेशनमधील पोलिस नाईक तानाजी मोहन कापसे याला ३ हजार रुपयांची लाच घेताना अटक करण्यात आली आहे. गंभीर स्वरुपाचा गुन्हा दाखल न करण्यासाठी कापसे याने लाच मागितली होती. त्यानंतर तक्रारदाराने लाचलुचपत प्रतिबंधक विभाग (एसीबी)शी संपर्क केला आणि तक्रार दिली. त्यानंतर एसीबीच्या पथकाने सापळा रचला. सिव्हिल हॉस्पिटलच्या रस्त्यावरील एका हॉटेलजवळ ३ हजार रुपयांची लाच देण्या-घेण्याचे निश्चित झाले. एसीबीच्या पथकाने सापळ्याद्वारे कापसे याला ३ हजाराची लाच घेताना रंगेहाथ पकडले. आता एसीबीच्या पथकाने सर्व पुरावे गोळा केले आहेत. त्यानुसार कापसे विरुद्ध गुन्हा दाखल करण्याची कार्यवाही सुरू आहे.
दरम्यान, लाच देणे आणि घेणे गुन्हा आहे. यासंदर्भात तक्रार देण्यासाठी १०६४ या टोल फ्री क्रमांकावर संपर्क साधावा, असे आवाहन एसीबीने केले आहे.
Malegaon ACB Trap Police Bribe Corruption
