सुयश सोनवणे, इंडिया दर्पण वृत्तसेवा
लासलगाव कृषी उत्पन्न बाजार समितीच्या कोटमगाव रोडवरील छत्रपती शिवाजी महाराज कांदा बाजार समितीच्या आवाराजवळ शेतकरी संदीप घोडे यांचा कांद्याने भरलेल्या ट्रॅक्टर पलटी झाला. या अपघातात सुमारे ३० क्विंटल कांदा बाजार समितीच्या आवारातील नाल्यातील पाण्यामध्ये पडून खराब झाला आहे. रस्त्यावरील साईड पट्ट्या व्यवस्थित भरलेल्या नसल्याने आज संध्याकाळच्या सुमारास बाजार हा अपघात झाला. समितीत कांदा विक्रीसाठी जात असतांना हा अपघात झाला. त्यामुळे शेतकरी संदीप गोडे यांना नुकसान भरपाई तात्काळ कृषी उत्पन्न बाजार समितीच्या प्रशासनाने भरून द्यावी. त्याचप्रमाणे कृषी उत्पन्न बाजार समिती लासलगाव प्रशासनाच्या दुर्लक्षामुळे शेतकरी हिताची राहिलेली कामे लवकरात लवकर मार्गी लावा अशी मागणी शिवसेना तालुकाप्रमुख प्रकाश पाटील, राजेंद्र कराड, प्रवीण कदम, राष्ट्रवादीचे जिल्हा सरचिटणीस बबनराव शिंदे व समस्त शेतकरी बांधवांनी सभापती सुवर्णा जगताप, सचिव नरेंद्र वाढवणे यांच्याकडे केली आहे.
