इंडिया दर्पण ऑनलाईन डेस्क – कर्नाटकातील चन्नागिरी विधानसभा मतदारसंघाचे आमदार मदल विरुपक्षप्पा यांचे पुत्र तसेच बंगळुरू जल आपूर्ती आणि सीवरेज बोर्ड (बीडब्ल्यूएसएसबी) चे मुख्य लेखापाल प्रशांत मदल यांना चाळीस लाखांची लाच घेताना अटक करण्यात आली आहे. या घटनेने प्रशासनातील भ्रष्टाचार पुढे आला असून कर्नाटकातील भाजप सरकारविरुद्ध विरोधकांनी आक्रमक पवित्रा घेतला आहे. दरम्यान, या आमदाराच्या घरातून कोट्यवधी रुपयांचे घबाडही सापडले आहे.
कर्नाटकातील भाजपचे मुख्यमंत्री बोम्मई यांचे सरकार सुरुवातीपासूनच वादग्रस्त राहिले आहे. महाराष्ट्रासोबतही त्यांचा सीमावादावरून संघर्ष झाला होता. त्या प्रकरणी केंद्रीय गृहमंत्री अमित शहा यांनी मध्यस्थी केल्यामुळे प्रकरण शांत झाले होते. याशिवाय कर्नाटकातही बोम्मई यांच्याविरुद्ध प्रचंड असंतोष आहे. त्यांच्या सरकारमधील मंत्री, प्रशासकीय अधिकारी यांच्यावर सातत्याने भ्रष्टाचाराचे आरोप होत आहेत. त्यात आता प्रशांत मदल यांच्या लाचखोरीने भर घातली आहे. या मुद्द्यावरून विरोधकांनी सरकारवर टीकेची झोड उठविली आहे.
यासाठी घेतली लाच
प्रशांत दमल यांनी एका टेंडर प्रक्रियेला क्लिअर करण्यासाठी ८० लाख रुपयांची लाच मागितली होती. त्याचपैकी, ४० लाख रुपयांची रक्कम स्वीकारताना लोकायुक्तांनी त्यांना रंगेहात अटक केली. या घटनेशी संबंधित संपूर्ण कागदपत्रे लोकायुक्तांनी जप्त केली असून चौकशी सुरू आहे.
आमदारपिताही अडचणीत
प्रशांत दमल यांचे वडील तसेच आमदार विरुपक्षप्पा हे कर्नाटक साबण आणि डिटेर्जेंटला लिमिटेड (केएसडीएल) बोर्डचे अध्यक्ष आहेत. या बोर्डला कच्चा मालाचा पुरवठा करण्यासाठी काढलेल्या निविदा प्रक्रियेदरम्यान दमल यांनी लाच मागितली होती. परिणामत: विरुपक्षप्पा यांच्या अडचणी वाढल्या असून त्यांचीदेखील चौकशी होण्याची शक्यता आहे.
कर्नाटक में BJP विधायक के घर से 8 करोड़ रुपए कैश मिला है।
BJP विधायक का बेटा 40 लाख रुपए की रिश्वत लेते रंगे हाथ पकड़ा गया।
सबको पता है… कर्नाटक में BJP की '40% कमीशन' की सरकार चल रही है।
कर्नाटक से उगाही होती है, माल दिल्ली तक पहुंचता है। pic.twitter.com/DGxbWxQkHs
— Congress (@INCIndia) March 3, 2023
कर्नाटकात लोकायुक्तांच्या भ्रष्टाचारविरोधी शाखेने गुरुवारी मोठी कारवाई केली. येथे भाजप आमदार दमल विरुपक्षप्पा यांच्या मुलाला ४० लाखांची लाच घेताना अटक करण्यात आली आहे. आमदार पुत्र प्रशांत दमल याला लोकायुक्त अधिकाऱ्यांनी आपल्या कार्यालयातून लाच घेताना रंगेहाथ पकडले. भ्रष्टाचार शाखेने भाजप आमदाराच्या कार्यालयातून 1.7 कोटी रुपये आणि त्यांच्या घरातून सुमारे 6 कोटी रुपये जप्त केले आहेत. लोकायुक्तांकडे लाच मागितल्याची तक्रार आली होती. लोकायुक्तांच्या या कारवाईनंतर दमल विरुपक्षप्पा यांनी कर्नाटक सोप अँड डिटर्जंट लिमिटेडच्या अध्यक्षपदाचा राजीनामा दिला आहे.
मदल विरुपक्षप्पा हे दावणगेरे जिल्ह्यातील चन्नागिरी मतदारसंघातून सलग दोन वेळा आमदार आहेत. 2018 च्या विधानसभा निवडणुकीत त्यांनी प्रतिज्ञापत्रात 5.73 कोटी रुपयांच्या संपत्तीचा खुलासा केला होता. 2013 च्या निवडणुकीत त्यांनी 1.79 कोटी रुपयांची संपत्ती जाहीर केली होती. कर्नाटकात या वर्षी विधानसभा निवडणुका होणार आहेत. अशा स्थितीत लोकायुक्तांची ही कारवाई चर्चेचा विषय बनली आहे. भाजप आमदाराच्या मुलावर केलेली ही कारवाई निवडणुकीचा मुद्दाही बनू शकते, असे बोलले जात आहे.
Cash worth ₹8 crore has been recovered from the house of a BJP MLA in Karnataka.
His son was caught accepting a bribe of ₹40 lakh.
The fact that the BJP govt. in Karnataka operates on a "40% commission" is well-known, & this discovery is just the tip of the iceberg. pic.twitter.com/ObtQDBgz58
— Congress (@INCIndia) March 3, 2023
मुलगा लाच घेताना पकडल्यानंतर भाजपचे आमदार दमल विरुपक्षप्पा यांनी कर्नाटक सोप अँड डिटर्जंट लिमिटेडच्या संचालक मंडळाचा राजीनामा दिला आहे. कर्नाटकच्या मुख्यमंत्र्यांना लिहिलेल्या पत्रात त्यांनी म्हटले आहे की, ‘माझ्या कुटुंबाविरोधात काहीतरी षडयंत्र रचले जात आहे. माझ्यावर आरोप होत असल्याने नैतिक जबाबदारीखाली मी राजीनामा देत आहे.
Karnataka MLA Son Arrested Corruption 40 Lakh Bribe
